Pathiena innghat
Davida hla.
Jeduthun ta ding.
62
1 Ka thlâin ka Pathien chauh,To zingin a nghak fan fan,
Ama a’nthok chun a nih,
Ka sandamna khom a hung.
2 Ama chauh chu ka lungpui,
Ka sandamna kul a na,
Inhnîng ngai hrim hrim naw ning.
3 Bang inăwn le pal tlu trêp,
Ienga ongrop ta hnung hi,
Nangnin nor chim phêt tumin,
Ieng chen am in mi bei ding?
4 A ngirhmun insang a’nthok,
Kei thlâk tumin in bei hron;
Khêl hi in lawmzawng a na,
In trongkam suok a thlum hle,
In lungril ruok chun trongsie,
In mi’n phur lem hlak si a.
5 Ka thlâin ka Pathien chauh,
To zingin a nghak fan fan,
Ama a’nthok chun a nih,
Ka beiseina khom a hung.
6 Ama chauh chu ka lungpui,
Ka sandamna kul a na,
Inhning ngai hrim hrim naw ning.
7 Mi’n tlantu le chawimawitu,
Pathiena chauh ka’n nghat a,
Ka bĕl lai lungpui nghet chu,
Pathien chau hi a ni si.
8 A mihaiin ama chu,
Ieng lai khom ring zing unla,
Ama tieng lungril hong ro,
Ei bĕl Pathien a ni si.
9 Mi hnuoihnunghai po po hi,
Thuok ang chauh an ni vong a;
Mi chunghnunghai hlak khom hi,
Khêl tlang fŭn khawm ang an nih;
Bŭkin rikna an nei nawh,
Thuok nèk khomin an zàng lem.
10 Mi thil lak lui chîng naw la,
Inrûk thil ngaisang naw rawh;
Hung hausa thûr thûr la khom,
Lungril innghatnan hmang naw.
11 Pathienin a hril pakhat,
Voi hni zet ka hriet ta chu:
‘Thilthawtheina po po hi,
Pathien kuta um a nih.’
12 Hmangaina nghet khom LALPA,
Nangma ta chauh a ni a,
Mi tin an thilthaw angin,
I rul ngei bok hlak a nih.