Veng him hnǐna
Davida hla.
Tringtrang le rem ding
61
1 Aw Pathien, ka kona ngai la,Ka trongtraina lo ngaithla tam!
2 Lungzînga ka chău tlep chângin,
Hnuoi tawp a’nthok ka ko che a,
Keima nêka insang lem daih,
Lungpuia chun mi hlângkâi rawh.
3 Hmêlma laka ka’n bǐkna tak,
Ka kulbing sang i ni si a.
4 I thla zàr hnuoi himna bĕl a,
I puon inah kumkhawtluonga,
Chèng song ka va hang chăk de aw!
5 Aw Pathien, ka thutiem hrein,
I hming trituhai rochan chu,
I mi’n changtir ve tah a nih.
6 Lal dam chen ding sukseipêk la,
Tu mong benin indamtir rawh.
7 I hmaa chun kumkhawtluongin,
Aw Pathien, inlal zing sien la,
I hmangaina le ringumnan,
Ama chu vêngin huol him rawh.
8 I hming inpâk kumkhuong ka ta,
Ka thutiem hlen ni tin ka tih.