San suok hnǐna
Davida hla var, zirtir nei.
Aram Naharaima leh Aram Zobaahb
an inbei a, Joab hung kir tieng Edom ram
chi ruomah mi singkhat le sanghni a that truma
mi.“Thuthlung Lili” thlŭka sak ding.
60
1 Aw Pathien, nangman hnawlin,I mi phǐn darh vong ta a;
I lung chu sen hle sienkhom,
Tu’n mi tungding nawk hrâm rawh!
2 Leihnuoi i hang sawi hnǐng a,
I sukphel ta pheng phung a,
A kaknahai thol phŭi rawh,
An hnîng dur dur el a nih.
3 Hun khirh, tuor harsa tak chu,
I mihai i’n tuortir a;
Pai chon chon khopa nasa’n,
Uoiin i mi hrai rui a.
4 Nangma trîtuhai ruok chu,
Thal kăp phăk loa hlaah,
Puonzâr i’n khaitir lem si.
5 I hmangaihai himna din,
I kut chang tieng mi humin,
Thrangpuiin mi san suok rawh.
6 A hmun thienghlim a’nthokin,
Hieng hin Pathienin a hril:
“Ka mihan hnèna changin,
Sekem khuo sem dar ka ta,
Sukot ruom thrè dar ka tih.
7 Gilead le Manase ram,
A rêngin ka ta a na,
Efraim ram ka thîr lukhum,
Judai ram chu ka lal hmol,
8 Moab ram chu ka maihŭn,
Edom ram chu ka pheikhok.
Filistinhai chunga chun,
Hlado ka’n sam khum dĕr tah”.
9 Kula inhuon khawpuiah,
Tu’n am mi thruoi ta’ng a ta?
Edom ramah tuin am,
Thruoiin mi fepui a ta?
10 Aw Pathien, i mi hnawl maw?
Kan sipai ruol lai, Pathien,
I thrang nuom ta naw a ni?
11 Hmêlma lakah mi san rawh,
Mihriemhai thrangpuina chu,
Ienga khom a tlâktlài nawh.
12 Pathien zârin huoi taka,
Beiin hnèna chang kan ta,
Kan ralhai chîl pher a tih.