Mi suol hrem dinga hnǐna
Davida hla var.
“Sukse naw rawh”
ti thlûka rem ding.
58
1 Rorêltuhai, thu indik,In hril hlak chie de a maw?
Mihai chungthu in rèlin,
Indik takin in rêl maw?
2 In lungrilin thil thra naw,
Thaw dan ding in suongtuo a,
Tharum hmanga kut thlâkna,
Hnuoiah a pung a ni hi!
3 Mi suolhai chu sul a’nthok,
Pêt hmang sa hrim an ni a,
An pieng a’nthok khêl tieng ngot,
Awn tlat nuom mi an ni bok.
4 Rŭl tûr ang tûr an păi a,
Chongkor nasêt ang an na,
5 A khâwitu chu ieng anga,
Rûl dâwi thiem khom ni sien la,
A dawina hlà le rí chu,
Rûl chun a hriet thei si nawh.
6 Aw Pathien, an hàhai chu,
Nangin vaw tlampêk vong la,
Aw LALPA, keipui ruol hi,
An uihà khel dokpek rawh.
7 Tui angin luong ral hai sien,
Hlobet anga sir hmâtin,
Chǐl hlumin um raw hai se.a
8 Hnapkhawn angin thi râwp sien,
Ni êng hmu hman loa thi,
Naute hlamzui ang elin.
9 An hriet naw kar hling buk ang,
Lungsenin sâm fai an ta,
Mi suol chu an thi an dam,
Phît hmangin la um an tih.b
10 An phuba làk a ni pha,
An thisen an pal pha chun,
Mi indikhai hlim an tih.
11 “Mi fel chun matheiloin,
Lawmman an la hmu pei a,
Hnuoiah rorêltu Pathien,
A lo um takzet a nih”
Tiin mihan hril an tih.