56
Ka ring chu PathienDavida ta, hla var.
Filistinhan Gath-a an man laia mi. ‘A saw ràl saisaw lêra thruva lungleng’
ti thlûka rem ding.
1 Aw Pathien, mi lunginsiet la,
Mihan pêlin an mi hnot thlûr,
An mi vé zing, sŭnnithlakin.
2 Sŭnni tina mi vètuhan,
Uongthuong takin an mi bei a,
A tam khom an va hang tam ngei!
3 Tria ka thla a phàng chângin,
Nangmaah inhnèm hlak ka tih.
4 A thu ka suong Pathien ngei chu,
Ka ring Pathien a ni leiin,
Triin thlaphâng ta naw ningah;
Hringmin iem mi law thei an ta?
5 Ni tin ka trong an làkkàwi a,
Ka sietna ding an phier zing a;
6 Kil tinah an mi’n chăn rŭk a,
Ka chăng dân po an enthlàk a,
Mi that châkin an kut a’n zà.
7 Hieng mihai hi ieng kong khomin,
Aw Pathien, hlà tawl dêr naw la,
I lungsenin tukdol tawl rawh.
8 Ka’n rŭm ri hi inchik vong la,
Ka mitthli luonghai daw khawl rawh.a
Iengkim i’n chik vong an naw maw?
9 Ka ko pha che, ka hmêlmahan,
Hnung mi’n sonin, tlan sieng an ta,
Chu pha chun ka kuom tieng Pathien,
A thrang ngei ti hre tâng ka tih.
10 Kei chun Pathien thu ka suong a,
Kei chun LALPA thu ka suong a,
11 Pathien chu ka’n nghatna a na,
Triin thlaphang ta naw ningah.
Hringmin iem mi law thei an ta?
12 Ka thutiemhai kha aw Pathien,
Hlenin lawmthu hril hlànbiekna,
I kuomah hung inhlàn ka tih.
13 Pathien hmaah, hringna varah,
Dar ang ka lĕng ve theina din,
Thǐna lakah i mi san suok,
Ka’n sui thlŭk ding i mi vĕng hlak.