Hmelma laka veng him hnìna
Davida hla var.
Rimawi hrui nei le rem ding.
Ziphoin, “Eini lai Davida an biruk’ tia
Saula kuoma a hung hril laia mi.
54
1 I hmingin mi hum la Pathien,Ka thiemzie i theinan puong rawh.
2 Ka trongtrai ngaithla la Pathien,
Ka hnǐna mi bengkhonpek rawh.
3 Pathien poisakna hrim nei lo,
Mi uongthuonghai chun mi beiin,
Mi tawrotha'n mi that an tum.
4 Mi thrangpuitu Pathien a na,
Mi tungdingtu LALPA a nih.
5 Mi’n chăn zingtu hmêlmahai chu,
An suolna chun dêng kîr tawl sien,
I ringumna’n sukbo tawl rawh.
6 Keima lungril puoksuok ngeiin,
Hlanbiekna inhlàn ka ta;
LALPA, i hming a thra ĕm a,
Inpâkin chawimawi ka ti che.
7 Harsatna tinrêng a’nthokin,
Nangman i mi san suok leiin,,
Hmêlmahai chungah hnĕna mit,
Kan lo inlĕn thei tah a nih.