Mihriem suolzie
Davida hla var.
‘Damnaw hla’ thlûka sak ding.
53
1 Mi invêthai chun lungrilin,“Pathien a um nawh” an ti hlak.
Hlemhlè takin an khawsa a,
Thil suol tirdakum an thaw a,
Thil thra thaw hrim hrim an um nawh.
2 Pathien chun vana inthokin,
Ama zongtu le thil hre thiem,
Mihriem nauhai lai mi var hrim,
An um am ti’n a zuk thlir a.
3 An rêngin ama nghatsantu,
Hlemhlènaa sip vong an na,
Thil thra thaw hrim an um naw a,
Pakhat bêk khom an um dĕr nawh.
4 Hlemhlehan ka mihai fak ding,
An fak rŭk hmangpek hlak ti hi,
Ieng dinga an hriet nawm a na?
Pathien hlak an zong dêr si nawh.
5 Tri ding a um nawnaa khom,
Tri dor dorin intom an ta;
Nangma dotuhai ru ro chu,
Pathienin pei dar vong a ta,
Pathienin a hnawl tah leiin,
Muolphoin an hmài mâwk a tih.
6 Israel sandamna ruok chu,
Zion a’nthok hung suok a ta,
Pathienin anni tungding a,
A hung sukhmuingil nawk pha chun,
Jakob thlahai chu hlim an ta,
Israel khom lawm tang a tih.