Pathien rorêlna le ngilneina
Davida inpakna hla.
Edom mi Deog-inSaula kuomah
“Davida chu Ahimelek inah
a fe tah” ti a hril laia mi.
52
1 Aw mi ropui le hrât khawkhêng,Pathien mita inzapuium,
A laka suol i thawhai chu,
Ieng dinga i uongpui ni tin?
2 Mi sietna ding i phierrŭk a,
Thukhêl i phù suokna lei hi,
Chem hriem tak anga ngei a nih.
3 Thrà nêkin suol i lawm lem a,
Thu dik nèkin khêl hril i chîng.
4 Aw nang hmŭr khêlinhlip neitu,
Mi lung khei zawng hril i hrât de!
5 Pathienin pot thla’ng a che a,
Kumkhuoin sukram a ti che.
I puon in a’nthok hnûk suokin,
La pot chen neng a ti che a;
Hringmi laia cheng thei lo di’n,
A phawi hmang dai ding che a nih.
6 Mi indikhan chu chu hmuin,
Pangzatin nuisawng an che a:
7 “En tu, en tu, hi mipa hi,
Pathiena innghat nuom loa,
Mani hausakna ringsan a,
Mi sietnaa insuklien pa”
Tiin la khîksaw’ng an ti che.
8 Kei chu Pathien ina phun hring,
Oliv thing inno tak ang ka na,
Pathien hmangaina chul lo chu,
Ka kumkhaw ringsan tak a nih.
9 Thil i mi thawpekhai leiin,
Kumkhuoin inpâk ka ti che;
I hming leiin beisei ka ta,
I hming hi a va thra de aw!
I mi thienghlimhai hmaa khom,
Inpâkin chawimawi ka ti che.