Zion inpakna
Kora pawlhai inpakna hla
48
1 Ei Pathien chêngna khawpui,Ama tlâng thienghlima chun,
LALPA a va ropui ngei!
Inpâk a phŭ chungchuong ie! .
2 Zion kǐmtlăng a mawi chuong,
Khawvel lunglawmna a nih;
Lal tak khawpui hmar tienga chun,
Zion tlăng chu a’n zam phei.
3 A kulah Pathien a chêng,
Humtu a ni a’n langtir.
4 Lalhai an inhawr khawm a,
Bei dingin an hung inthok;
5 Sienkhom a tlâng an hmu chun,
Maktinain an sip a,
Thlabârin an tlàn sie a.
6 Tha inlapin a man a,
Nau hase tuor ang an nih.
7 Khawsak thli’n Tarsis long ruol,
A nuoi angin i nuoi hmăt.
8 Kumtluonga LALPA huol him,
Iengkim LALPA khawpui chu,
Pathien khawpui ei hriet kha,
Mit ngeiin ei hmu ta hi!
9 Aw Pathien, i Tempulah,
I hmangaina chuoi lo chu,
Suiin kan dawnkhawl hlak a.
10 I hming hi kawlkawdong chen,
Aw Pathien an chawimawi a,
Ram tinah a’n thang suok a,
I rorêl hi a’n dik hlak.
11 Zion tlang chu lawm hlê sien,
Judai ram mi lawm raw se,
Fel taka i rĕl leiin.
12 Zion tlang hi fang vel la,
Vèngbûk insanghai tiem la,
13 A kul bang, ralvêng bŭkhai,
Ruolthar hriet din inchik rawh.
14 Hi Pathien hi chatuona,
Ei Pathien a ni si a,
Kumkhuoin mi thruoi a tih.