Rorêltu chunghnung tak
Kora pawlhai inpakna hla
47
1 Hnam tinrenghai, kut ben unla,Hlim taka Pathien chawimawiin,
Inpâkna hla sakin khêk ro.
2 A Chunghnungtak LALPA chu,
Trì a lo va hang um ngei de!
Hnuoi chung po poa Lal a nih.
3 Ei hnuoia hnamhai tukdolin,
Ei ke hnuoiah a sie tawl a;
4 Ei rochung ding a mi thlangpek,
A hmangai Jakob suong ram chu.
5 Hlimna khêk ri nasa tak leh,
LALPA Pathien a kâi tung a,
Tawtawrawt ri leh a kâi tung;
6 Pathien inpâkin hla sak ro,
Ei Lal inpâkin hla sak ro.
7 Hnuoi pumpui lal Pathien a na,
Inpâkna hla mawi rempêk ro.
8 Hnam tin chungah ro a rĕl a,
Lalthrungpha thienghlimah a thrung.
9 Hnam tin lalhai an hung pungkhawm,
Abraham Pathien mihai chu,
Lalhai chu Pathien tä an na;
An chung daia inlêng a nih.