Ei kuomah Pathien a um
Kora pawlhai inpakna hla.
Saprano chaua sak ding
46
1 Pathien chu ei inhumna,Ei hrătna tha hrui a na,
Lungzing ni ieng lai khoma,
Mi thrangpui vartu a nih.
2 Chuong chu a ni lei takin,
Leilung inthlâk danglamin,
Tlânghai chu tuipui truongah,
Pil hmang vong khom lo ni sien,
Tri ngai hrim hrim nawng ei tih.
3 Tui fawn chu so but butin,
A’n rŭm velin tlânghai chu,
Nghor hning dur dur khom ni sien,
Tri chuong ngai bok nawng ei tih.
4 Vadung pakhat a um a,
A fintu vadungtehan,
Chunghnungtak chêngna thienghlim,
Pathien khawpui an suklawm.
5 A sŭngah Pathien a chêng,
Inhnîng ngai hrim hrim naw nih;
Zîng khawvara inthokin,
Pathien chun thrangpui a tih.
6 Hnamhai an buoi luoi luoi a,
Lalramhai an tlu se a;
A bau a hang phong meu chun,
Hnuoi a zop thla el a nih.
7 Iengkimthawthei LALPA chu,
Ei kuomah a um zing a,
Jakob Pathien ngei el chu,
Ei inhumhimna a nih.
8 LALPA thilthaw hung en tu,
Hnuoi a sukram nasatzie!
9 Van khup hnuoi kawlkawdong chen,
Indo a suktâwp vong a,
Thalngulhai a kuoi tliek a,
Feihai a ulh bong vong a,
Phawhai meiah a raw hmang.
10 “Ngai ngamin to chip unla,
Pathien ka nih ti hre ro:
Hnam tin chunga lêng ka na,
Hnuoi chunga lêng ka ni hih.”
11 Iengkimthawthei LALPA chu,
Ei kuomah a um zing a,
Jakob Pathien ngei el chu,
Ei kulpui a ni si a.