Inneina hla
‘Lili par’ thlûka sak ding. Kora
pawlhai inpakna hla, hla var,
hmangaina hla.
45
1 Lal kuomah hla kan zawt lai,Lungrilah thu mawi tak tak,
A hung inlang uor uor a,
Ka bău chu ziek thiem ziekfung
Angin a hung inchang a.
2 Hringmi lai i thra chungchuong,
I kam zangainan a sip,
Chu lei tak chun Pathienin,
Mal a sawm kumkhuo che hi.
3 Aw lal lien, i kawlhnâm kha,
I kawnga khan hang pai la,
Ropui takin inchei rawh.
4 Thutak le thuhnuoirolna,
Indikna trana hum di’n,
Hnĕna changin hma tawn la,
Mi makti huoi huoi khopin,
I kut changin hne pei rawh.
5 I thal inzum tak el chun,
Hmêlmahai lung sun tlang sien,
I ke bulah hnamhai chu,
Tlu thal rem rum raw hai se.
6 Aw Pathien, i lalthrungpha,
Kumkhuoin um zing a ta,
Indikna lal hmol ngei chu,
I ram lal hmol ni’ng a tih.
7 Indikna chu i lawm a,
Suol tieng i theidà leiin,
Pathien, i Pathien ngei chun,
I ruolhai nĕka nasa’n,
Hlimna hriek a nàl ta che.
8 I silfĕnah beraw rim,
Aloi rim le thingzungthak,
Rimtui a’n nam rum rum a;
Saihaa chei lal inah,
Rimawiin an awi hlim che.
9 I sîra kîltu che chu,
Lal naunuhai dàm an na,
Ofir rangkachak puona
Inthuom mo thar, lalnu chu,
I chang tieng pangah a ngîr.
10 Bawinu, ka thu hi ngai la,
I nä mi lo dawpĕk rawh.
I mihai chu theinghilin,
I pa in chen khom nghil rawh.
11 I hmêl thratnan lal lungril,
A lo zĕm hnê dĕr tah a,
Inza rawh, i lal a nih.
12 Tura naunu chu hungin,
Thilpêka hung chawi bok a ta
Hausahan i diksakna,
Chang tumin tlon an ti che.
13 Lalnu chu a pindanah,
Ropuiin a châm buong a;
Răngka zaia siem thuom mawi,
Korfuol a hâk a ni saw!
14 Chuong khopa mawia cheiin,
Lal kuoma an hung thruoi a,
A zuitu nunghak thienglâm,
Tam tak leh i hma bulah,
An hung thruoi tah a ni hi.
15 Hlim le lawma hung thruoiin,
Lal inah an hung inlawi.
16 In nauhaiin an pahai,
Ro chu hung hluo pei an ta,
Ram tinah rorêltuin,
I siem tawl bok ding a nih.
17 I hming hi suon po po lai,
Hriet zing dingin siem ka ta,
Chuongchun hnam tinin nang chu,
Inpak kumkhuong an ti che.