Damnaw trongtraina
Davida inpakna hla
41
1 Mi rimsihai invoitu chu,Mi hamthra a va ni ngei de!
Harsatna hun a tlung pha chun,
LALPAN a hung san suok ngei hlak.
2 Ama chu LALPAN hum a ta,
A hringnun chu huol him a ta;
A rama chun malsawm a ta,
Hmêlma kutah pe ngai naw nih.
3 Nat khumah LALPAN ve’ng a ta,
A natnahai sukdam a tih.
4 Kei chun, “LALPA, i chunga hin,
Thilsuol nasa tak ka thaw a,
Sienkhom ka chungah za ngai la,
Mi sandam rawh” ti’n ka ngĕn a.
5 Ka sietna zongtu hmêlmahan,
“Iengtik top am thi hmang a ta?”
Tiin an mi’n riem khum hlak a.
6 An mi hung kan ve châng khomin,
An lungril naw pui an hril a,
Thu se tieng ngot an dap khawm a,
Tuol an suok pha an hril thang hlak.
7 Ka sietna ding ringot zongin,
An inbiek rŭk, ka hmêlmahai;
A se thei tawpa ngaituoin,
8 “A natna hi a’n rik êm a,
Tho kâng nawk ta naw nih” an tih.
9 Ka ruol hnai le ka mi ring zo,
Ka thleng mi otpuitu khomin,
A kekhong a mi’n lek khum tah.a
10 Aw LALPA, lunginsiettakin,
Nangin mi hung sukdam nawk la,
Anni hi hang thungrul ka tih.
11 Ka hmêlmahai chu ka chungah,
I’n lèngtir phal naw lei tak hin,
Ka chungah i lawm ti ka hriet.
12 I mi chel ngǐr, ka’n dik leiin,
I kuoma kumkhawa cheng di’n,
I mi sie ta hrim a ni hi.
13 LALPA, Israel Pathien chu,
Chatuon a’nthok chatuon chenin,
Inpâkin um raw se Amen,
Amen.