Pathien thratzie inpâkna
Davida phuok. Abimelek hmaah
invêt tehlèm a thaw a, a hnot zàm a,
a fesan laia mi a nih.
34
1 LALPA chu inpak rop ka ta,Ka bâuin ama inpàkna,
Ieng lai khomin sâm zing a tih.
2 LALPA chu ka thla’n a suong a,
Rimsihan hrein lawm raw se.
3 LALPA chu mi chawimawipuiin,
A hming chu inpâk tlăng ei tiu.
4 LALPA ka zong, a mi lo don,
Tritna a’nthok a mi san suok.
5 Ama entuhai rêng rĕng chu,
An hmĕl a hung ĕng suok hlak a,
Inzak hmêl hrim an put ngai nawh.
6 Hi mi rimsi hin a ko a,
LALPA chun a lo ngaithlăk a,
Buoina lakah a san suok tah.
7 Vantirkohan LALPA trǐtu,
An umngha a, an humhim hlak.
8 LALPA hang thratzie êm êm hi,
Intemin hang hre ve hrim t’um;
Ama bêltu chu a hamthra.
9 Mi thienghlimhai, LALPA tri ro,
Ama trituhai hrim hrim chun,
Tlaksam ieng khom an nei ngai nawh.
10 Sakeibaknei vanglai khom hi,
Făk ding tlasamin a chău thei;
LALPA zongtu ruok chun thil thra,
Ieng khom tlàksam an nei si nawh.
11 Ka nauhai, hungin ngaithla ro,
LALPA trì dan hril ka ti cheu.
12 Tu khom mani nun thlâkhla a,
Ni thra hmua dam sawt nuom chun,
13 Suol lakah a lei vêng thra sien,
A hmŭrin khêl hril naw raw se.
14 Suol nghatsanin thil thra thaw ro,
Inremna zongin hnot pei ro.
15 LALPAN mi felhai a hmu zing,
An ko pha a ngaithlâk var hlak.
16 Thil suol thawtuhai laka chun,
LALPA hmĕl an tûr zing hlak a,
Hnuoiah hriet zing ni naw ni hai.
17 Mi fel kona, LALPAN a hriet,
Buoina a’nthok a san suok hlak.
18 LALPAN lungdonghai a hnai a,
Beidong letdêrhai a san hlak.
19 Mi fel chun buoina hau sienkhom,
LALPAN a san suok pei hlak a.
20 A rù le chànghai a vĕng a,
Pakhat khom suktliek ni naw nih.
21 Mi suol chu suolin that a ta,
Mi fel theidatu taphot chu,
Thiem naw inchangtir ni’ng an tih.
22 LALPAN a siehlawhai a’n tlan,
Ama bêltuhai tu khomin,
Thiem naw hrim chang ngai naw ni hai.