Mi thra trongtraina
Davida ta.
26
1 LALPA, ka’n dikzie puong el rawh,Soisel bo nun ka hraw si a;
LALPA-a ringna ka’n nghat hi,
Ieng lai khomin a’n hnǐng ngai nawh.
2 LALPA, fiein mi ensin la,
Ka lungril ngaituona fie rawh.
3 I hmangaina chuoi ngai lo chu,
Ka hma thruoitu a ni zing a,
I thutakah kal ka chawi zing.
4 Hlêmtu lai ka thrung ve ngai nawh,
Lêmderhai ka pawl ngai bok nawh.
5 Suol thaw dinga inkhawmhai hi,
Ka theida zawng tak an ni a,
Mi rilohai ka pawl ngai nawh.
6 Poi hrim ka tawk ngai nawh,LALPA,
I maichàm bulah ka kûn a,
7 Lawmthu hrilin hla ka sak a,
I thilmak thawhai ka puong hlak.
8 LALPA i in ka ngaina a,
I ropuina chèngna hmun chu.
9 Mi suolhai i lakhmang ruolin,
Ka thlarau la hmang ve naw la,
Tuolthathai ruolin ka hringnun,
Mi la hmangpêk ve naw hrâm rawh.
10 Suol thaw din an kut a’n za a,
An kut chang tieng thamnan a sip.
11 Kei chun indikna lam ka hraw,
Lunginsietin mi san him rawh.
12 Ka ngîrna hi tuol zawla a na,
Nĕlvaipui pungkhawm hmaah hin,
LALPA hming chu inpâk ka tih.