Hlawtlingna bulpui
Davida inpakna hla.
25
1 Aw LALPA, i tieng ka hung ngha,2 Aw ka Pathien, nang ka ring che.
Ka muolpho el ding phal naw la,
Hmêlma mi hnè bàn phal naw rawh.
3 A nih, nangma nghaktuhai chu,
Tu khom muolpho ngai naw ni hai;
Verther taka phatsantu chu,
Sukmuolphoin um ngei an tih.
4 LALPA, i ditzawng mi hril la,
I lampuihai mi kawkhmu rawh.
5 Ka Sandamtu Pathien i na,
Nangin thruoiin mi’n chuktir la,
Ka ni tin beisei nang i nih.
6 Tien a’nthoka i zangaina,
I hmangaina kha nghil naw rawh.
7 Ka tleirawl lai suol le helna,
Mi hre zuipek zing ta naw la;
I hmangaina le thratnain,
Mi hre zing lem hlak rawh LALPA.
8 LALPA chu a thra indik a,
Chu lei tak chun mi suolhai khom,
A lampuihai a kawkhmu hlak.
9 Mi mawlhai thutakah thruoiin,
A lam indik a zirtir hlak.
10 LALPA thuthlung zawmtu ta din,
LALPA lam tin chu hmangaina,
Ringumna vonga sip a nih.
11 LALPA, ka suolna tam sien khom,
I hming leiin mi ngaidam rawh.
12 LALPA tri mi chu tum a na?
A lampui dinga a ruot chu,
Ama ngei chun kawkhmung a tih.
13 Thil thra tinreng chu chên a ta,
A thlàhan ram rochung an tih.
14 Ama trituhai kuoma chun,
LALPAN thurûk a hril hlak a,
A thuthlung khom a’n hriettir hlak.
15 LALPA tieng chu ka thlir zing a,
Chângin ka ke a awk khom hi,
Aman mi sûtpek ngei a tih.
16 Lungsietin ka tieng hung ngha la,
Khawsawtin kan rim takmeu si.
17 Ka lungzingna hung sawkzàng la,
Buoina a’nthok mi san suok rawh.
18 Ka rimsikzie mi dawnpêk la,
Ka suolhai mi la hmangpek rawh.
19 Ka hmêlma pung dan hi en ta,
An mi theida êm êm dan hi!
20 Ka nun vêngin mi san suok rawh,
Nangma ka bêl ta che leiin,
Ka muolpho ding phal lul naw rawh.
21 Nangma nghaktu ka ni leiin,
Indikna le ringumna chu,
A mi huolhimtu ni raw se.
22 Israel hi, aw ka Pathien,
Buoina po po lak a’nthokin,
Nangman hung san him ngéi ngèi rawh.