Lal ropui
Davida inpakna hla
24
1 Leihnuoi le a sunga umhai,Khawvel le a sunga chenghai,
A rêngin Lalpa ta a nih.
2 Tuipui inthŭk chungah remin,
Tuipui truongah chun a’n nghat a.
3 Lalpa tlăngaha tu am lawn a,
A hmun thienghlima ngîr ding chu?
4 Kut fâi le lungril thienghlim put,
Mi lim bea kûn ve ngai lo,
Khêla inkhâm ngai lo mi chu:
5 LALPA malsawmna dong a ta,
A Sandamtu a Pathien chun,
Thiem inchangtir ngèi bok a tih.
6 Jakob Pathien, chuong mihai chu,
I hmêl dittu le zongtu che,
Suon le pârhai chu ni’ng an tih.
7 Ropuina Lal lut theina din,
Aw kotkharhai, inhong sângin,
Kotkhar hlunhai, inhong lien ro.
8 Tu am a na, Lal ropui chu?
LALPA ropui le hrat khawkhèng,
Hnètu LALPA ngei chu a nih.
9 Ropuina Lal lut theina din,
Aw kotkharhai, inhong unla,
Korkhar hlunhai, inhong sâng ro.
10 Tu am a na, Lal ropui chu?
Iengkim LALPAb ngei chu a na,
Ama chu Lal ropui a nih.