Vêngtu Berampu thra
Davida inpakna hla.
23
1 Mi vêngtu berampua chu,Ka LALPA a ni leiin,
Tlasam ngai hrim hrim naw ning.b
2 Hlo hnä hring dup hmuna hai,
A mi’n chăwl hadamtir a,
3 Tui cham dêl kamah thruoiin,
Ka hringnun a tuoi thar a,
Felna lampuia hai chun,
A hming leiin a mi thruoi.
4 Thina hlim ruom hraw lang khom,
Thil thra lo hrim trì naw ning,
Nang ka kuomah i um a,
I hmol le i funghrol chun,
An mi sukthlamuong si a.
5 Ka hmêlmahai hmû ngèiah,
Ruoi i mi buotsaipek a,
Ka lu-ah hriek i năl a,
Ka no i sung sip zing bok.
6 I thratna le hmangainan,
Dam sûng mi zui ngĕi a ta,
LALPA inah inlâwiin,
A chun chêng kumkhuong ka tih.