Thrangpui hnǐna
Davida inpakna hla
13
1 Aw LALPA, ieng chen hiel am,I mi thlathlam ding a na?
I mi theinghil song ding maw?
Ka lakah ieng chen top am,
I hmêl i thup ding a na?
2 Ieng chen top am rimsi a,
Sùn-zàn lungril beidong a,
Hmêlmahai lu ling khum a,
Nangin i mi sie ding chu?
3 Aw LALPA, aw ka Pathien,
Mi en la, mi hung don rawh,
Varin ka mit hung khaw rawh,
In hlum song pal rawi ka tih;
4 “Ka tukdol dĕr tah” tiin,
Ka hmêlma uong pal a ta,
Ka tlu hlauh chun ka râlhai
Lawm sa chang pal rawi a tih.
5 I hmangaina chul lo hi,
Kei chu ka’n hnêmna a na,
I sandamna chunga hin,
Ka lungril a lawm a nih.
6 LALPA chu inpâk ka tih,
Ka chungah a thra si a.