Thrangpui hnina
Davida inpâkna hla.
A ki inhnuoia sak ding.
12
1 Aw LALPA, mi thrangpui rawh,Pathien ngaisak an bo zo;
Hringmi zalênghai lai hin,
Mi ringum an bo zo tah!
2 Khêlin an inhlĕm tuo a,
An inpăk derna hmŭr chun,
Inhlĕmna ngot an sàk suok.
3 LALPAN an hmŭr ât thla sien,
An lei chapo tak hai khom;
4 “Bau thiemah hnè bàn ei ta,
Ei hmûr hlak ei thu a na,
Tu’m ei chunga lêng?” an tih.
5 “Mi rethei an neksawrhai,
Beidong inrûm ri lei chun,
Tu hin inthok suok ka ta,
Nghaisatuhai laka chun,
Hum ka tih” LALPAN a tih.a
6 Raw tuinaa tangkaruo,
Voi sari raw thieng angin,
LALPA thutiem a thra hlìr.
7 Hieng ruoltharhai laka hin,
LALPA mi vêng kumkhuo rawh.
8 Hringmihan rîtlona nun,
An ngaisangna taphotah,
Mi rilo an kat nuk nuk.