Mihriem suolzie
Davida inpâkna hla
14
1 Invêthai chun lungrilin,“Pathien a um nawh” an tih.
Hlemhlèa takin an che a,
Thil tirdakum an thaw a,
Thil thra thaw hrim an um nawh.
2 LALPA chun van sâng a’nthok,
Ama zongtu mi var hrim,
An um am ti hmu tumin,
Hringmihai a zuk thlir a.
3 Naw tieng an pêt hmang vong a,
Hlemhlènain an sip a,
Thil thra thaw an um naw a,
Pakhat bêk khom an um nawh.
4 Ka mihai fàk ding po po,
Fa zotu an nih ti hi,
Hlemhlèhan an hriet naw maw?
LALPA hming khom an lam nawh.
5 Chuong anga khawsahai chu,
Tritna’n chengchil tawl a ta,
Pathien ruok chu mi felhai,
Um khawmnaah a um hlak.
6 Mi retheihai thil thaw lai,
Thil rilo thaw chinghaiin,
Sukbuoi tum hlak hai sienkhom,
An humtu Pathien a nih.
7 Israel sandamna chu,
Zion a’nthok hung a ta,
LALPAN a mihai ngirhmun,
A sukhmuingil huna chun,
Jacob thla Israelhai chu,
An va hlim nasa awm ngei!