Lalpaa innghat ngamna
Davida zâia rem ding
11
1 LALPA àngsung ka bĕl ta hi.“Vatê angin i tlâng tieng khin,
Vuong hmang ve dai el ta rawh khai!
2 Mi suolhaiin thalngul an kuoi,
A hruiah thal zum an inbûk,
Thima inthoka kăp tumin,
En rawh, mi ngîlhai an tin saw!
3 Thil niphung a’n lumlet zo tah,a
Mi dikhan iem an law thei ding!”
Ieng dinga in ti am a na?
4 A Tempul thienghlimah LALPA,
A vàn thrungphaah a’n thrung;
Hringmihai a zuk thlîr zing a,
A mitin a hmu fai vong tawl.
5 Mi fel le mi rilohai khom,
LALPA chun a en fie vong a,
Nunrawngna ngaina mihai chu,
A thlarauin a theida hlak.
6 Mi suolhai chungah mei le kât,
Hung insŭrtir chur chur a ta;
Thli lum takin nuoi tawl a ta,
Chu ngei chu an chan ding a nih.
7 LALPA chu mi indik a na,
Rorêlna dik a ngaihlu a,
Mi ngîlhan a hmêl hmung an tih.