Pathien ropuizie le mihriem
Davida inpakna hla. Grep sawr
(Gitit) thlûka sak ding.
8
1 Aw LALPA, nang kan Laltak,I ropuina’n vàn khûmin,
Hnuoi pumah i hming a mawi!
2 Pom lai nautehai bàuah,
I hràtzie i’n puongtir hlak;
Chèngna di’n kul nghet i’n din,
Doa phuba la tumtu,
Hmêlmahai tukdolna di’n.a
3 I kut suok thangvan sanga,
Sorthla siar i’n nghathai,
Thlîra ka dawnkhawl chângin,
4 Hringmi hi ieng am a na,
I hriet fuk lop lop el ni?
Hriem nauhai khom iem an na,
I ngaisak êm êm el ni?
5 Angel hnuoi thretah siein,
Ropuina le chawimawina,
Tonlairang i’n tontir a.
6 I kut suok po po chungah
Lalin ama i siem a,
A ke hnuoiah i sie vong:
7 Beram le bawng ruol po po,
Ramsâ le chungleng vâhai,
8 Tuipuia nga chi tinrêng,
Thilhring chi tinrênghai leh.
9 Aw LALPA, nang kan Laltak,
Hnuoi pumah i hming a mawi!