Harsat huna thrangpui hnina
Davida inpakna hla. Tringtrang le a
ki inhnuoia sak ding.
6
1 Lungsenin mi zil naw, LALPA,Lungpuom lai mi thunun naw rawh.
2 Aw LALPA, zà mi ngaipek rawh,
Chàuin ka tlep thlà a ni hi;
Aw LALPA, mi hung sukdam rawh,
Ka rù le châng a na zo tah.
3 Ka thlâ a beidong ĕm êm a,
Ieng chen top am, ieng chen hiel am,
I mi tosan ding chu LALPA?
4 Ngha kîrin mi hung san suok la,
I hmangaina chuoi lo zârin,
LALPA nangin mi sanhim rawh.
5 Fam tah hre zing che an um nawh,
Seolaa inthokin tu’n am,
An inpàk hlak rêng rĕng che a?
6 Ka’n rùmnain ka chàu zo tah,
Ka mitthliin ka khum laizawl,
Zan tin a far hû vong hlak a.
7 Beidongin ka mit a chău zo,
Hmêlma leiin a’n thim zo tah.
8 Nangni suol thawtu po po hai,
Hla takah min kiengsan dai ro.
Ka trap ri LALPAN a hriet tah.
9 Ka hnǐna LALPAN ngaithlain,
Ka trongtraina LALPAN a pom.
10 Ka hmêlmahai chu inzakin,
Maktiin chi-âi hlêng an ta,
Hmai mâwk takin kîr nghal an tih.