Zàn tieng trongtraina
Davida Inpâkna hla.
Tringtrang le sak ding
4
1 Mi trantu, ka felna Pathien,Ka ko chêin mi hung don la,
Beidong hunah mi thawi dam la,
Zàngaiin ka hnìna ngai rawh.
2 Aw mihriemhai, ka’n zàumna,
Ieng chen am in sukmuolpho ding?
Thu teplo mei mei ngainain,
Ieng chen top am khêl in hnot ding?
3 Pathien chun ama ta dingin,
Ama ngaisak hlak mihai chu,
A ser hrang hlak ti hi hre ro.
Ka ko phâ LALPAN a hriet hlak.
4 In lungsen chàng suol phà naw ro,
In khum laizawlah to zingin,
In lungrilin indap hlak ro.
5 Hlànbiekna indik inhlànin,
LALPA-ah ringna innghat ro.
6 “Thil thra hang dong inla chu maw!”
Tiin tam tak chun an hril hlak.
LALPA, i hmêl êng mi’n hmu rawh.
7 Bu le uoiin an thar tam kum
Nêka nasain ka lungril,
Hlimnain mi sung sippek rawh.
8 Ngài ngamin zànmu tuong ka ta,
Nangma chauh hi i nih LALPA,
Muongleia min chèngtirtu chu.