Zing tieng trongtraina
Davida inpakna hla. A naupa Absalom
hmaa a tlansiet laia mi
3
1 LALPA, ka hmêlma pung hrâtin,Mi dotu an va tam sawt ngei!
2 “Pathienin san teu naw ni che”
Mi titu an va tam ngei de!
3 Lalpa, nang chu ka vêl tina,
Mi hliekhutu phaw chu i na;
Ropuina i mi’n khumtir a,
Ka lû hi i chawisàng hlak si.
4 Rawl tawpa LALPA ka ko chàng,
A tlâng thienghlima inthokin,
Ama chun a mi hung don hlak.
5 LALPAN a mi huolhim leiin,
Zâlin zanmu ka’n tuo thei a,
Harin ka tho nawk hlak a nih.
6 Sîr tina mi’n chăntu sang tam,
Hmêlmahai chu ka trî dêr nawh.
7 Aw LALPA, nang hung tho suok la,
Aw ka Pathien, mi san suok rawh.
Ka hmêlmahai khâkah hem la,
Mi rilohai hà vaw tlam rawh!
8 Sansuoktu chu LALPA a nih.
I mihai mal hung sawm pei rawh.