3 Judai ram khaw hrang hrangah Israel mi hai, thiempu hai, Levi hai, Tempul siehlawhai le Solomon siehlawhai thlahai chu mani chanpuol in le lo hluoin an khawsa a. Hieng hai hi biel danga hotu, Jerusalema insonhai chu an nih. 4 Jerusalema hung lut nawk chu Juda hnama mi le Benjamin hnama mi threnkhat chauh an nih. Juda thlaa mihai chu Perez thlaa mi Mahalalel, chu naupa Sefatia, chu naupa Amaria, chu naupa Zekaria, chu naupa Athaia, chu naupa Uzia; 5 le Sela (Silon) sungkuoa mi Zekaria, chu naupa Joiarib, chu naupa Adaia, chu naupa Hazaia, chu naupa Kol-Hoze, chu naupa Baruk le chu naupa Maaseia an nih. 6 Perez thlaa mi, Jerusalema um po po chu zali sawmruk pariet an nih.

7 Benjamin thlaa mihai chu Jesaia naupa Ithiel, chu naupa Maaseia, chu naupa Kolaia, chu naupa Pedaia, chu naupa Joed, chu naupa Mesulam le chu naupa Salu le 8 ama zuituhai Gabai le Salai an na, an rêngin pasal po zakuo sawmhni pariet an nih. 9 Zikri naupa Joel chu khawpuia hotu lu tak a na, Hasenua naupa Juda chu a dottu a nih.

10 Thiempuhai chu Joiarib naupa Jedaia hai; Jakin hai; 11 Pathien tempul enkoltu Ahitub naupa Meraiot, chu naupa Zadok, chu naupa Mesulam, chu naupa Hilkia, chu naupa Seraia hai; le 12 an unauhai, Tempula rongbawltu po po chu an rêngin zariet sawmhni pahnih an nih. Chuonghai baka chun Malkija naupa Pasur, chu naupa Zekaria, chu naupa Amzi, chu naupa Pelalia, chu naupa Jeroham, chu naupa Adaia le 13 a unauhai, sungkuo tina lukhâituhai chu an rêngin zahni sawmli pahnih an nih. Chun, Immer naupa Mesilemot, chu naupa Ahzai, chu naupa Azarel, chu naupa Amasai 14 le an unau mi hrat le huoisen, an rengin za sawmhni pariet chu an thrang sa bok a. An hotu tak chu Hagedolim naupa Zabdiel a nih.

15 Levihai laia mi chu Buni naupa Hasabia, chu naupa Azrikam, chu naupa Hasub, chu naupa Semaia hai dam; 16 Pathien Tempul puo tieng sin enkoltu Sabethai le Jozabad hai dam; 17 Asaf naupa Zabdi, chu naupa Mika, chu naupa Matania, lawmthu hril inkhawma trongtraia hun hongtu hai dam; Matania thrangpuitu Bakbukia hai dam; Jeduthun naupa Galal, chu naupa Samua, chu naupa Abda hai dam an nih. 18 Khawpui thienghlima Levi mi um po po chu zahni sawmriet pali an nih.

19 Kotkhar vengtuhai chu Akub le Talmon le an thawpuihai, an rêngin za sawmsari pahnih an na, an sin tak chu kotkhar vĕng a nih.

20 Hienghai ti lo Israelhai le thiempuhai le Levihai chu Judai ram khaw hrang hranga anni chanpuol ram sengah an um a. 21 Tempul siehlawhai chu Ofel muolah an um a, an hotuhai chu Ziha le Gispa an nih.

22 Jerusalema Levihai hotu tak chu Mika naupa Matania, chu naupa Hasabia, chu naupa Bani, chu naupa Uzi a na, anni hi Perez thlaa mi, Pathien Tempula hla saktu an nih. 23 Lalin an thaw dinga thu a pĕk ang ang chu ni tina an rongbawlna a nih.

24 Juda naupa Zera thlaa mi Mesezabel naupa Pethahia chu mipuihai chunga rorêlna iengkima lal aiawtu a nih.

25 Juda mi threnkhat chu Kiriat Arba le a khawpera hai dam, Dibon le a khawpera hai dam le Jekabzeel le a khawpera hai dam an um a. 26 Chun, Jesuaa dam, Moladaa dam, Beth-peleta dam, 27 Hazar-suala dam, Beersheba le a khawpera hai dam, 28 Ziglaka dam, Mekona le a khawpera hai dam, 29 En-Rimona dam, Zoraa dam, Jarmuta dam, 30 le Adulam le a khawpera hai dam an um bok a. Lakis le a sè vel rama dam le Azeka le a sè vel khuoa hai dam an um bok a. Chuong ang chun Beershebaa inthoka Hinom ruom chenin umhmun khuorin an inzàr phei a.

31 Chun, Gebaa Benjamin thlahai chu Mikmas hai, Aija hai le Bethel le a sè vel khuoa hai an um a. 32 Anathot hai, Nob hai, Anania hai, 33 Hazor hai, Rama hai, Gitaim hai, 34 Hadid hai, Zeboim hai, Nebalat hai, 35 Lod hai le Ono khuoa hai le themthiemhai chèngna ruoma dam umhmun an khuor bok a. 36 Judai rama um Levihai laia a thren chu Benjamin hnamhai lai umhmun an inkhuortir bok.