EZRA
Thuhma
Ezra lekhabu hi Thuthlung Hlui Baibul ei hmang laia bu sawmpangana, bung 10 le chang 280-a sei, 450 B.C lai vela ziek a na, Kronikul sunzomna a nih. A ziektu Ezra hi thiempu le lekha ziektu, Mosie Pahnina tia an ko hiel, Mosie dan pekhai le an Juda sakhuo inzirtirna le ser le sanghai a kip a kawia hretu, Juda sakhuo bohmang trêp hnung hung tungding nawktua ngai hiel a nih. Hi lekhabua hin B.C 538-450 sunga thil tlung, 516-458 sunga thil tlung ruok chu thrang sa loin, Babulon sala intâng Israel thlahai chu an ram tienga an hung kir nawk dàn chanchin le Jerusalem tempul tungding nawk a, Pathien chawibiek an hung tran nawk dàn chanchin a ziek a. Bung 1-6 chen hi rikawt danga mi besana a ziek a na, bung saria inthok ruok chun ama ngei thrangsain an chanchin a ziek a nih. Zerubabel inrawina hnuoia kir hmasa tak mi 42,360 chun tempul bawl thrat sin an tran nghal a, BC 515 khan an bawl zo a, an hong a. Chutaka inthoka kum 58-ah mi tam tak thruoiin Ezra khom Jerusalemah a hung kìr a, a kìr hnung chun an sakhuo ser le sanghai khom ama rawiin kulmût takin an tran nawk tak tak chauh a nih.
A thu tlangpui
Saltang kir hmasa takhai chanchin (1:1-2:70)
Tempul bawl thraa an inhlàn nawk thu (3:1-6:22)
Ezra rawia saltang hung kirhai (7:1-10:44)