RUTHI
Thuhma
Ruthi lekhabu hi Thuthlung Hlui Baibul ei hmang laia a parietna, bung 4 le châng 85-a sei a nih. A ziektu le ziek hun hi hriet chieng a ni nawa chu Samuel ziek ni dinga ring an tam.
Ruthi chu Moab mi a na, Moab-hai chu Lota thla an nih. Ruthi chun Israel mi pasalah a nei a, a pasal a thi hnungin a tarpi Naomi chu zuiin, Moab rama inthokin Israel ram Bethlehemah an kir a. Hi hmuna hin a tarpi sakhuo chu zuiin, a laichin Boaza leh an innei a. Boaza khom chu Jeriko khuoa Israelhai lo humtu, nawchizor Rahabi naupa a nih. Hi thlaa inthok hin Davida a hung pieng a, chu thla peia inthok chun kum sangkhat vel hnungah Messia, Isu Krista chu a hung pieng ta pei a nih.
Hi lekhabu hi tawi hle sienkhom Pathien remruot dan inrilzie le seizie puongtu lekhabu hlu a nih. .
A thu tlangpuihai
Naomi le Ruthi Bethlehemah an kìr (1:1-22)
Ruthi le Boaza an inhmuh (2:1-3:18)
Boaza’n Ruthi a nei (4:1-22)