3 Israelhai chu Ramases-a inthokin thla hmasa tak ni sawmpangana, Fekân Kŭt zo chun Aigupta mihai mit hmua ngei chun ngampa takin an suok a. 4 LALPAN an nau lutir pasal po po a sukhlumpèk chu an vŭi lai le an pathienhai khom LALPAN a hrem trum kha a nih. 5 Israelhai chun Ramases an suoksan a, Sukot-ah an inkul a. 6 Sukot an suoksan a, thlalĕr tontir Etham-ah an inkul nawk a. 7 Etham suoksanin, Baal Zefon sak, Pi Hahirot tieng inher kîrin Migdol-ah an inkul a. 8 Pi Hahirot suoksanin, Tuipui an fe kai a, thlalĕrah an lŭt a, ni thum an fe hnungin Etham thlalĕr an tlung a, Mara hmunah an inkul a. 9 Mara suoksanin tuihnar sawm le pahni le tûm thing sawmsari umna Elim an tlung a, chu taka chun an inkul a. 10 Elima inthok chun an suok a, Tuipui Sen bulah an inkul a. 11 Tuipui Sen chu suoksanin Sin thlalera chun an inkul nawk a. 12 Sin thlaler an suoksan hnung chun Dofka-ah an inkul a. 13 Dofka suoksanin Alus-ah an inkul a. 14 Alus suoksanin mipui dawn ding tui a um nawna hmun Refedim-ah an inkul a. 15 Refedim suoksanin Sinai thlalĕrah an inkul a. 16 Sinai thlalĕr suoksanin Kibrot Hatava-ah an inkul a. 17 Kibrot Hatava suoksanin Hazerot-ah an inkul a. 18 Hazerot suoksanin Ritma-ah an inkul a. 19 Ritma suoksanin Rimon Perez-ah an inkul a. 20 Rimon Perez suoksanin Libna-ah an inkul a. 21 Libna suoksanin Risa-ah an inkul a. 22 Risa suoksanin Kehelatha-ah an inkul a. 23 Kehelatha suoksanin Sefer tlangah an inkul a. 24 Sefer tlang suoksanin Harada-ah an inkul a. 25 Harada suoksanin Makhelot-ah an inkul a. 26 Makhelot suoksanin Tahat-ah an inkul a. 27 Tahat suoksanin Tera-ah an inkul a. 28 Tera suoksanin Mitka-ah an inkul a. 29 Mitka suoksanin Hasmon-ah an inkul a. 30 Hasmon suoksanin Moserot-ah an inkul a. 31 Moserot suoksanin Bene Jakan-ah an inkul a. 32 Bene Jakan suoksanin Hor Hagidgad-ah an inkul a. 33 Hor Hagidgad suoksanin Jotbatha-ah an inkul a. 34 Jotbatha suoksanin Abrona-ah an inkul a. 35 Abrona suoksanin Ezion-geber ah an inkul a. 36 Ezion-geber suoksanin Zin thlaler, Kades an ti boka chun an inkul a. 37 Kades-a inthok chun Edom ram depa um Hor tlang an tlung a, chu taka chun umhmun an khuor a.

38 Thiempu Aron chu LALPA thupĕkin Hor tlanga chun a hang fe a, Aigupta rama inthoka Israel thlahai an suoka inthoka kum sawmlina, thla ngana ni khat ni chun chu taka chun a thi a. 39 Hor tlanga a thi chun Aron chu kum 123 a nih.

40 Kanan ram sim tieng-a um Arad lal, Kanan mi khomin Israelhai hung chu a lo hriet a.

41 Hor tlang chu suoksanin Zalmona-ah an inkul a. 42 Zalmona chu suoksanin Punon-ah an inkul a. 43 Punon chu suoksanin Obot-ah an inkul a. 44 Obot chu suoksanin Moab ramria Ije-Abarim-ah^a an inkul a. 45 Ije-Abarim chu suoksanin Dibon Gad ah an inkul a. 46 Dibon Gad suoksanin Almon-diblathaim-ah an inkul a. 47 Almon-diblathaim suoksanin Nebo kawl Abarim tlangah an inkul a. 48 Abarim tlang suoksanin Jeriko zawn Jordan kam Moab phaiah an inkul a. 49 Jordan kam Bet Jesimota inthoka Abel Sitim chen chun an inzar a.

50 Jeriko zawn Jordan kam Moab phaia chun LALPAN Mosie a biek a, 51 “Israelhai inbiekpui la, hi thu hi hril rawh: Jordan vadung kâna Kanan ram in lut phâ chun, 52 chu rama um po po chu hnot suok unla, milim an ker po po le pathien lim an sung po po sukse vong un la, an hmunsanghai khom thriekpêk vong ro. 53 Ram chu hluo unla, umhmun khuor ro, in hluo dinga ka pèk chêu a nih. 54 In pahnam ang peiin thrum vawrin ram chu insem ro. A sungruol deuin chang lien hai sien, a tlawm deuin chang tlawm hai sien, thrum vawra a tlùkna tieng pei chu an chanpuol ni’ng a ta, an pi le pua inthoka an chi-hnam ang peia sem ding a nih.

55 “‘A rama lo umhai hnot suok loa in inumtir chun, chuong mihai chu in mit kheitu le in năk suntu hlingah la hung inchang an ta, in umna rama buoina siempektu chêu la hung ni’ng an tih. 56 Chu phâ chun anni chunga thaw ka tum rŭk chu nangni chungah thawng ka tih’ ti rawh” a ta.