LEVITICUS
Thuhma
Leviticus lekhabu hi Thuthlung Hlui Baibul ei hmang laia a bu thumna, bung 27 le châng 859-a sei, kum 1445-1444 B.C vela Sinai tlang bula Israelhai an um laia Mosie hmanga Pathienin ama an chawibiek dan ding, a rong an bawl dan ding, ser le sang an hmang dan ding, sungkuo le mi mal nuna thienghlimna lampui an hraw theina dinga dan a pekhai inziekna lekhabu a nih. A ziektu chu Mosie a nih. A thupui tak chu thienghlimna a na (19:2), Baibul bu po po laia thu mal ‘thienghlimna’ ti hril rawnna tak lekhabu a na, voi 152 zet a chuong. Hi bua chang inlâr tak, Isu ngei khoma thupek po po fun khawmtua a hril hiel chu “Nangma i’n hmangai angin i venghai khom hmangai rawh” (19:18) ti hi a nih.
A thu tlangpuihai
Thilhlân le hlànbiek dànhai (1:1-7:38)
Thiempua Aron le a nauhai namnghetna (8:1-10:20)
Inthienna le porchèna thila danhai (11:1-15:33)
Inremna Ni hmang dan ding (16:1-34)
Thienghlimna nun le chawibiek dàn ding (17:1-27:34)