Intiem voi hnina
26
1 Hripui inkieng hnung chun LALPAN Mosie le thiempu Aron naupa Eleazar hai chu a biek a, 2 “Israel thlåhai po po, râl do thei chin kum sawmhni le a chung tieng po chu a pahnam hnamin tiem vong ro” a ta. 3 Mosie le Eleazar chun Jeriko zawn, Jordan kam, Moab phaiah anni rawi chu an inbiekpui a, 4 “LALPAN thû Mosie a pĕk angin, mipuihai chu kum sawmhni le a chung tieng po tiem vong ro” an ta. Aigupta rama inthoka hung suok Israel thlähai chu:5 Israel nau lutir Reuben naupahai: Hanok sungkuo thlatu chu Hanok; Palu sungkuo thlatu chu Palu; 6 Hezron sungkuo thlatu chu Hezron le Karmi sungkuo thlatu chu Karmi a nih. 7 Hienghai hi Reuben pahnama mi po an na, tiem po chu 43,730 an nih. 8 Palu chun Eliab a thla a, 9 Eliab naupahai chu Nemuel, Dathan le Abiram an nih. Dathan le Abiram hai hi khawtlang thruoitu, Kora hnung zuia Mosie le Aron beitu le LALPA laka helhai kha an nih. 10 Hnuoiin a bău a ka a, anni chu Kora leh a dol hmang a, Kora hnungzuitu zahni sawmnga hai khom meia lem hmangin an um khah. Anni chu Israelhai ta dingin trì-um inchikna an hung ni tah. 11 Kora nauhai ruok chu an thi ve nawh.
12 Simeon thla pahnamhai chu: Nemuel sungkuo thlatu chu Nemuel; Jamin sungkuo thlatu chu Jamin; Jakin sungkuo thlatu chu Jakin; 13 Zera sungkuo thlatu chu Zera le Saul sungkuo thlatu chu Saul a nih. 14 Hienghai hi Simeon pahnama mi po zat chu an na, an rêngin 22,200 an nih.
15 Gad thla pahnamhai chu: Zefon sungkuo thlatu Zefon; Hagi sungkuo thlatu Hagi; Suni sungkuo thlatu chu Suni; 16 Ozni sungkuo thlatu chu Ozni; Eri sungkuo thlatu chu Eri; 17 Arodi sungkuo thlatu Arodi; le Areli sungkuo thlatu chu Areli a nih. 18 Hienghai hi Gad thlahai chu an na, an rêngin 40,500 an nih.
19 Juda naupahai chu Er le Onan an na, Kanan-ah an thi a. 20 Juda thlaa mi pahnamhai chu: Sela sungkuo thlatu Sela; Perez sungkuo thlatu Perez; Zera sungkuo thlatu Zera a nih. 21 Perez thlahai chu: Hezron sungkuo thlatu Hezron le Hamul sungkuo thlatu chu Hamul a nih. 22 Hienghai hi Juda thlahai an na, an rêngin 76,500 an nih.
23 Isakar thla pahnamhai chu: Tola sungkuo thlatu chu Tola; Pua sungkuo thlatu chu Pua; 24 Jasub sungkuo thlatu chu Jasub; le Simron sungkuo thlatu chu Simron a nih. 25 Hienghai hi Isakar thlahai chu an na, an rêngin 64,300 an nih.
26 Zebulun thla pahnamhai chu: Sered sungkuo thlatu chu Sered; Elon sungkuo thlatu chu Elon; le Jaleel sungkuo thlatu chu Jaleel a nih. 27 Hienghai hi Zebulun thlahai chu an na, an rêngin 60,500 an nih.
28 Josefa thlahai chu an pahnam ang dungzuiin Manase le Efraim an nih. 29 Manase thlahai chu: Makir sungkuo thlatu chu Makir, Makir naupa Gilead sungkuo thlatu chu Gilead a nih. 30 Gilead thlahai chu: Iezer sungkuo thlatu Iezer; Helek sungkuo thlatu chu Helek; 31 Asriel sungkuo thlatu chu Asriel; Sekem sungkuo thlatu chu Sekem; 32 Semida sungkuo thlatu chu Semida; Hefer sungkuo thlatu chu Hefer a nih. 33 Hefer naupa Zelofehad chun naupa nei loin naunu ngot a nei a, chuonghai chu Mala, Noa, Hogla, Milka le Tirza hai ana nih. 34 Hienghai hi Manase thlahai chu an na, an rêngin 52,700 an nih.
35 Efraim thla pahnamhai chu: Suthela sungkuo thlatu chu Suthela; Beker sungkuo thlatu chu Beker; le Tahan sungkuo thlatu chu Tahan a nih. 36 Suthela thlahai chu: Eran sungkuo thlatu Eran. 37 Hienghai hi Efraim thlahai an na, an rêngin 32,500 an nih.Chuonghai po po chu Josefa thla, pahnam hrang hrang hai chu an nih.
38 Benjamin thla pahnamhai chu: Bela sungkuo thlatu chu Bela; Asbel sungkuo thlatu chu Asbel; Ahiram sungkuo thlatu chu Ahiram; 39 Sufam sungkuo thlatu chu Sufam; le Hufam sungkuo thlatu chu Hufam a nih. 40 Bela thlaa mi Arda chun Arda sungkuo a thla a, Naaman chun Naaman sungkuo a thla. 41 Hienghai hi Benjamin thlahai chu an na, an rêngin 45,600 an nih.
42 Dan thla pahnam chu: Suham sungkuo thlatu chu Suham a nih. 43 Dan thla, Suham pahnama mi chu an rêngin 64,400 an nih.
44 Aser thla pahnamhai chu Imna sungkuo thlatu Imna; Isvi sungkuo thlatu Isvi; le Beria sungkuo thlatu Beria a nih. 45 Beria thlaa inthokin, Heber sungkuo thlatu Heber le Malkiel sungkuo thlatu Malkiel an hung suok a. 46 Aser chun nau nuhmei pakhat a hming Sera a nei. 47 Hienghai hi Aser thlahai chu an na, an rêngin 53,400 an nih.
48 Naftali thlahai chu, an sungkuo angin, Jazeel sungkuo thlatu chu Jazeel; Guni sungkuo thlatu chu Guni; 49 Jezer sungkuo thlatu chu Jezer; Silem sungkuo thlatu chu Silem a nih. 50 Hienghai hi Naftali thlahai chu an na, an rêngin 45,400 an nih. 51 Israel thla pasal an tiemhai po po zăt chu 601,730 a nih.
52 LALPA chun Mosie a biek a, 53 Hienghai hi an tam dan zirin ram sempek rawh. 54 A tam deuh ram pe lien deuh la, a tlâwm deu pe tlawm la, intiemna ang dungzuiin ram chu sem rawh. 55 Amiruokchu, thrumvawrin, an pipu pahnam hming ang peiin ram chu chang an tih. 56 Ram chu, a chîn a lien, thrumvawr dan ang peia sem ding a nih.
57 Hienghai hi an pahnam ang peia tiem Levi thlahai chu an nih: Gerson sungkuo thlatu chu Gerson; Kohat sungkuo thlatu chu Kohat; Merari sungkuo thlatu chu Merari a nih. 58 Hienghai khom hi Levi pahnamhai an nih: Libni, Hebron, Mali, Musi le Kora hai. (Kohat chu Amram pu a nih. 59 Amram nuhmei chu Jokebed, Levi thlaa mi, Aiguptaa Levi sungkuoa inthoka pieng a nih. Amram chun naupa Aron le Mosie le naunu Miriam a nei a. 60 Aron chu Nadab, Abihu, Eleazar le Ithamar hai pa a nih. 61 Nadab le Abihu ruok chu LALPA hmaa mei thienghlim lo an inhlàn lai khan an thi.)
62 Levi thla, pasal ruol, thlă khata upa chin le a chung tieng an tiem po chu 23,000 an nih. Anni hi ram sem chang ve ding laia mi an ni naw leiin Israelhai an tiem ruolin an tiem ve naw a nih.
63 Hieng zat hi Jeriko zawn, Jordan kam, Moab phaia Mosie le thiempu Eleazarin Israel thla an tiemhai chu an nih. 64 Mosie le Aronin Sinai thlalera Israel thlahai an tiemhai laia mi kha pakhat khom an um ta nawh. 65 LALPAN, “Thlalerah an thi ngĕi ngêi ding a nih” a lo ti ta si a. Jefune naupa Kaleb le Nuna naupa Josua ti naw chu tu khom a dam an um ta nawh.