4 LALPA chun Mosie kuomah, 5 “Hieng thilpêkhai hi Intuokna Puon ina hmang dingin lo pom rawh. Levihai kuomah an sin zira an mamaw ang peiin sem rawh” a ta. 6 Mosie chun tawlailir paruk le bawngchalhai chu a lâk a, Levihai kuomah a pêk a. 7 An sina an mamaw ang peiin Gersonhai chu tawlailir pahni le bawngchal pali a pêk a, 8 an sina an mamaw ang dungzuiin Merarihai chu tawlailir pali le bawngchal pariet a pêk bok a. An rêng chun thiempu Aron naupa Ithamar inrawina hnuoia sinthaw vong an nih. 9 Kohathai ruok chu Hmun Thienghlima thil put le zawn chu an mawphurna a ni leiin Mosie chun a pêk ve tawl nawh.

10 Mosien maichăm chu hriek năla a’n thien zo chun maichăm inhlăn thienghlim lawmna dingin thruoituhai chun maichăm hmaah thilhlân an hung chawi seng a. 11 LALPA chun Mosie kuomah, “Pahnam tina luhai sengin an thilpekhai chu ahmatiemin ni khatah pakhat peiin hung inhlàn raw se” a ta.

12 A ni khat nia thilhlân hung chawi hmasa tak chu Juda hnama mi Aminadab naupa Nason a nih. 13 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkaraw berbu pakhat, sekel sawmsari tluka rik, bu le bâl thilhlâna hmang hlak, hriek le pol beiphit indip taka sung sip hmar ve ve dam; 14 sekel sawma rik rangkachak maihŭn te, rim inhnika sung sip dam; 15 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 16 suol ngaidamna thilhlâna dingin kelchal pakhat dam; 17 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Aminadab naupa Nason thil inhlànhai chu a nih.

18 A ni hninaa thilhlân hung chawitu chu Isakar hnama mi Zuar naupa Nethanel a nih. 19 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkaraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 20 sekel sawma rik rangkachak maihŭn te, rim inhnika sung sip dam; 21 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 22 suol ngaidamna thilhlâna dingin kelchal pakhat dam; 23 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Zuar naupa Nethanel thil inhlànhai chu a nih.

24 A ni thumnaa thilhlan hung chawitu chu Zebulun hnama mi Helon naupa Eliab a nih. 25 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkaraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 26 sekel sawma rik rangkachak maihŭn té, rim inhnika sung sip dam; 27 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 28 suol ngaidamna thilhlâna dingin kelchal pakhat dam; 29 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Helon naupa Eliab thil inhlànhai chu a nih.

30 A ni linaa thilhlan hung chawitu chu Reuben hnama mi Sedeur naupa Elizur a nih. 31 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 32 sekel sawma rik rangkachak maihŭn té, rim inhnika sip dam; 33 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 34 suol ngaidamna thilhlâna dingin kelchal pakhat dam; 35 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Elizur naupa Sedeur thil inhlànhai chu a nih.

36 A ni nganaa thilhlan hung chawitu chu Simeon hnama mi Zurisadai naupa Selumiel a nih. 37 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 38 sekel sawma rik rangkachak maihŭn te, rim inhnika sip dam; 39 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 40 suol ngaidamna thilhlâna dingin kelchal pakhat dam;

41 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Selumiel naupa Zurisadai thil inhlànhai chu a nih. 42 A ni ruknaa thilhlân hung chawitu chu Gad hnama mi Deuel naupa Eliasaf a nih. 43 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 44 sekel sawma rik rangkachak maihŭn tê, rim inhnika sung sip dam; 45 pumraw inthilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 46 suol ngaidamna thilhlâna dingin kelchal pakhat dam; 47 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Eliasaf naupa Deuel thil inhlànhai chu a nih.

48 A ni sarinaa thilhlân hung chawitu chu Efraim hnama mi Amihud naupa Elisama a nih. 49 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar ve ve dam; 50 sekel sawma rik rangkachak maihŭn tê, rim inhnika sung sip dam; 51 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 52 suol ngaidamna thilhlâna dingin kelchal pakhat dam; 53 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Amihud naupa Elisama thil inhlànhai chu a nih.

54 A ni rietnaa thilhlân hung chawitu chu Manase hnama mi Pedazur naupa Gamaliel a nih. 55 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 56 sekel sawma rik rangkachak maihŭn tê, rim inhnika sip dam; 57 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 58 suol ngaidamna thilhlâna dingin kelchal pakhat dam; 59 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Pedazur naupa Gamaliel thil inhlànhai chu a nih.

60 A ni kuona thilhlân hung chawitu chu Benjamin hnama mi Gideoni naupa Abidan a nih. 61 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 62 sekel sawma rik rangkachak maihŭn tê, rim inhnika sip dam; 63 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 64 suol ngaidamna thilhlâna dingin kelchal pakhat dam; 65 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Gideoni naupa Abidan thil inhlànhai chu a nih.

66 A ni sawmnaa thilhlân hung chawitu chu Dan hnama mi Amisadai naupa Ahiezer a nih. 67 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 68 sekel sawma rik rangkachak maihŭn tê, rim inhnika sip dam; 69 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 70 suol ngaidamna thilhlâna dingin kel chal pakhat dam; 71 inremna thilhlâna dingin bawng chal pahni, beram chal panga, kelchal panga le kum khata upa beram tuoi panga dam a nih. Chuonghai chu Amisadai naupa Ahiezer thil inhlànhai chu a nih.

72 A ni sawmpakhatnaa thilhlân hung chawitu chu Aser hnama mi Okran naupa Pagiel a nih. 73 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thĕnaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak, hriek le pol beiphit indip taka a pahnia sung sip hmar vé vè dam; 74 sekel sawma rik rangkachak maihŭn tê, rim inhnika sip dam; 75 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 76 suol ngaidamna thilhlâna dingin kelchal pakhat dam; 77 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Okran naupa Pagiel thil inhlànhai chu a nih.

78 A ni sawmpahninaa thilhlân hung chawitu chu Naftali hnama mi Enan naupa Ahira a nih. 79 A thil inhlănhai chu tangkaraw thlêng pakhat, Hmun Thienghlima hmang sekel za le sawmthuma rik le tui amanih thisen amanih thènaa hmang chi tangkawraw berbu pakhat, sekel sawmsari tluka rik, bu le bâl thilhlâna hmang hlak hriek le pol beiphit indip taka a pahnia sung sip hmar vé vè dam; 80 sekel sawma rik rangkachak maihŭn te, rim inhnika sip dam; 81 pumraw thilhlâna hmang ding bawngchal tuoi pakhat, beramchal pakhat le kum khata upa beram tuoi pakhat dam; 82 suol ngaidamna thilhlâna dingin kelchal pakhat dam; 83 inremna thilhlâna dingin bawngchal pahni, beramchal panga, kelchal panga le kum khata upa beram tuoi panga dam a nih. Chuonghai chu Enan naupa Ahira thil inhlànhai chu a nih. 84 Hriek năla maichăm an inhlăn ni a Israel pahnam tin luhai thil inhlânhai chu hieng hi a nih: tangkaraw thlêng sawmpahni, tangkaraw berbu sawmpahni le rangkachak maihŭn tê sawmpahni a nih. 85 Tangkaraw thlêng pakhat pei rikzie chu sekel za le sawmthum a na, tangkaruo berbu pakhat rikzie chu sekel sawmsari a nih. Hmun Thienghlima hmang sekel anga inkhi chun tangkaraw thlêng le berbu po po rikzie chu sekel sanghni le zali^a a nih. 86 Hmun Thienghlima hmang sekel anga inkhi chun rim inhnik thun sip rangkachak maihŭn tê sawmpahni rikzie chu sekel za le sawmhni^b a nih. 87 Bu le bâl thilhlân khom thrang sain, pumraw thilhlâna ran an inhlân po chu bawngchal tuoi sawm le pahni, beramchal sawm le pahni, kum khata upa beram tuoi sawm le pahni a nih. Suol ngaidamna thilhlâna ran an inhlàn po po chu kelchal sawm le pahni a nih.

88 Inremna thilhlâna ran an inhlàn po po chu bawngchal sawmhni le pali, beram chal sawmruk, kelchal sawmruk, kum khata upa beram tuoi sawmruk a nih. Chuonghai chu hriek năla maichăma an thilhlănhai chu a nih.

89 Chuongchun, Intuokna Puon ina LALPA be dinga Mosie a lut chun Thuthlung Bawm chunga zangaina thrungphaa cherubhai inkâra inthok chun rawlin a hung biek ti a hriet a, a’n biekpui a.