Mi hausa zilna
5
1 Nangni mi hausahai, ngaithla ro, in chunga rinumna nasa tak hung tlung ding lei hin trap unla, khêk rong rong ro. 2 In hausaknahai chu a rêm zo tah a, in puonhai khom hângthîmin an făk siet zo tah. 3 In rangkachak le tangkaruo hai khom an nghar-êk zo tah a, a nghar-êk chu in thiem nawzie suklangtu a na, meiin thil a kâng hmang angin, in taksa la fa zo a tih. Ni hnuhnunga hin ro in khăwl khâwm hnŭr a. 4 Ngai ta u, in loa sinthawtuhai hlaw in hrênpekhai chu an khêk suok a, bu sîktuhai beidong khĕk ri chun Iengkim Lalpa na chu a tlung tah. 5 Hnuoia hin inhoi ti tak le nuomtawlin in um a, that rûnpui niaa dinga inchawm thau mei mei in ni tawl hih. 6 Mi Indik chu thiem naw in inchangtir a, in that a, ama hlak chun a dodâl si naw chêu.bSelna le trongtraina
7 Unauhai, Lalpa hung hmâ khat sel takin um ro. Lo neituin a lo tharsuok a nghak dan hi ngaituo hlak ro; thar hmasa le thar hnuhnungc a nghâk fan fan hlak hi. 8 Nangni khom sel takin um unla, lungril nghet tak put ro, Lalpa hung nawkna ding a hnâi ta si a. 9 Unauhai, thiem naw changa in um nawna dingin inchier khum naw ro. Ngai ta u, rorêltu chu kotkhăr bulah a um ta zing a nih. 10 Unauhai, Lalpa hminga thuhriltu zawlneihaiin sel taka an tuor dan kha entonah hmang ro.
11 Sel taka tuortu chu mi hamthraa kan ngai a nih. Joba tuorselzie le Lalpan a tawpa a thaw dan khom in hriet. Lalpa chu zangaina le lunginsietnaa sip a ni si a. 12 Chuong po po baka chun ka unauhai, inkhâm ngai naw ro, van amanih hnuoi amanih, thil dang amanih sâlin inkhâm naw ro. “A nih” in ti chu “A nih” ni sien, “A ni nawh” inti chu “A ni nawh” ni el raw se, chuong naw chun thiem naw chang hlauh rawi in tih.
13 Nangni lai vangduoina tuok an um am? Trongtrai raw se. Hlim an um am? Inpâkna hla sak raw se. 14 Nangni lai damnaw an um am? Kohran upa inkotir sien la, Lalpa hminga hriek nălin trongtraipĕk raw se; 15 ring tlata trongtraina chun damnaw chu sukdam a ta, Lalpan keitho a ta, thil suol a lo thaw tah khom ngaidam a tih. 16 Chuongchun, in suolhai thuphâ inchawi tuo unla, introngtraipek tuo unla, sukdamin um in tih. Thrahnemngai taka mi indik trongtraina chun thil ropui tak a thaw thei a nih. 17 Elija chu eini anga mihriem vê el a nia chu, raw sŭr nawna dingin thrahnemngai takin a trongtrai a, kum thum le thla ruk sung hnuoi chungah ruo hrim a sûr nawh. 18 A trongtrai nawk a, vanin ruo a’n sŭrtir a, hnuoiin thlăi thar a’n suo nawk tah a nih.