2 TIMOTHE
Thuhma
Timothe pahnina hi Baibul pumpuia bu 55-na, bung 4, châng 83-a sei a nih. Lung ina inthoka a ziek ni dingin a’n lang. Paula chun hun tam a nei ta nawh ti a hriet a. Chuleiin, a rongbawlpui le a kaiza vêngtu Timothe keihruoina dingin a ziek a nih.
Thupui taka a nei chu selna thu a nih. Isu Krista thu chu ringum taka puong pei ding dam, Chanchin Thra le Thuthlung Hlui zirtirna indik chu chel tlat ding dam, tuorna le dodălna hun khirh hung tlung sien khom zirtirtu a nǐna le thuhriltu a nǐnaa a thaw ding mawphurna chu ieng lai khoma thaw zui pei ding le a rongbawl sin chu hlen ngei dingin a’n fui a. Insêlna invêtthlak le trangkai lo laka inthier fihlim dingin a’n fŭi a, chuong ang thu ngaithlatuhai chun an siet pha hlak ti a hril bok.
Hi lekha hi Paula lekha ziek nuhnung tak nia ngai a ni a, inthlàna thu a hrilnaa khom hin mi mal 23 zet hming a lam a nih. Lung in inthimah ama chauin um sien khom, ama inngaituona nêkin mi dang ngaituonan a lungril a hluo sip a nih ti a chieng. A bung tawpna tak tiemtuhai chun, a kohran phunhai invoi le ngai ĕm êma chawlna ram pana liemsan mĕktu Paula lung inphu dep dep ri chu ngaituona naah hre thei ngei an tih.
A sung thu tlangpui
Thuhma (1:1-2)
Inpâkna (1:3-2:13)
Infŭina (2:14-4:5)
Paula ngirhmun (4:6-18)
Tlangkawmna (4:4-22)