LALPA ni tlung ding
4
1 “Ngai ta, ni chu la tlung ngei a ta,Rawtuina mei angin kàng a tih.
Mi chapo le mi suolhai chu,
Bupawl ang chauh ning an ta,
Chu ni chun raw hmang an ta,
An zung le zar hlà naw nih”
Iengkim LALPA chun a tih.
2 “Ka hming tritu nangni chungah,
Felna nisa hung suok a tih;
Ni zunga chun damna a um.
Bawngte hrèn lai insuo angin,
Hlim takin inchawm in tih.
3 Ka ni ruota ka chèt pha chun,
In ke hnuoia meivap angin,
Mi suolhai chu sir deng in tih,”
Iengkim LALPA chun a tih.
4 “Israelhai po po ta dinga
Ka siehlaw Mosie kuoma,
Horeb tlanga ka pek tahai,
Dan le thuruot po po hai kha,
Ieng lai khomin hre zing hlak ro.
5 “LALPA ni ropui le râpthlăkin,
A hung nang cheu hma ngeiin,
Zawlnei Elija hung tir ka tih.
6 Ama chun pahai lungril chu,
Nauhai tieng innghattir a ta,
Nauhai lungril chu pahai tieng.
Chuong an naw chun hung ka ta,
A ram pum hi trongsie inphurin,
Hrem pal hlauh rawi ka tih” tiin.