MIKA
Thuhma
Mika lekhabu hi Thuthlung Hlui Baibul ei hmang laia bu sawmthum pathumna, bung 7 le chang 105 a sei, Judai ram khaw chite Moreset, Gath khaw bula inthoka hung Zawlnei Mika ziek a nih. Ama hi Juda lal Jotham hai, Ahaz hai le Hezekia hai inlal lai, 740-687 B.C vêl inkâra zawlnei dang Hosea hai, Amos hai le Isai hai le a ruola hung inlang a nih. Amos le Hosea hai ang boka hmar tienga Israel lalramin sietna râpthlăk a tuok ding hril lawktu a nih. Judai ram siet ding khom a hril lawk bok.
Chuong chu a ni lai zingin, Israelhai po po ta dinga hma tieng beiseina pholêng tarpêktu a nih. Chuonghai chu (i) Pathien rorêlna hnuoia khawvela muongna a la um ding thu (4:1-4) le (ii) Davida thlaa inthoka lal ropui tak Mesia a la hung suok ding thu (5:2-4) a nih. A thu inchuktir chabi chu “indik taka thaw, zangaina ngaihlut le Pathien le thuhnuoirol taka intlon” (6:8) a nih.
A thu tlangpuihai
Israel le Juda chunga hremna (1:1-3:12)
Tungdingna le muongna hun (4:1-5:15)
Sietna le sansuokna thu (6:1-7:20)