EZEKIEL
Thuhma
Ezekiel lekhabu hi Thuthlung Hlui Baibul ei hmang laia bu sawmhni parukna, bung 48 le chang 1273-a sei, thiempu Buzi naupa Ezekiel, thiempu le zawlnei ni kopin 571 B.C vela a ziek a nih. Kum 597 B.C a Jerusalem suksieta a um hnungin Juda lal Jehoiachin ruolin Ezekiel khom Babulon tieng salah an thruoi a, Babulon sim sak Chebar vadung kama Tel-abib khuoah a um a. Kum nga hnungah, kum sawmthum mi a ni velin rongbawl a tran a, kum sawmhni pahnih zet Babulona saltanghai lai rong a bawl sungin thil tam tak, a thren chu khirkhăn le mak tak tak, a hril lawk a. A hril lawk nuhnung tak chu April 26, 571 B.C khan a nih (29:17). A thu khêkpui tak chu “Lungril thar pe’ng ka ti cheu a, in sŭngah thlarau thar sie’ng ka ta, in lungril lung anga sakhat chu la suokin, taksa anga innêm lungril pe’ng ka ti cheu” (36: 26) ti hi a nih.
A thu tlangpui
Ezekiel ko a ni thu (1:1-3:27)
Jerusalem siet ding thu hrilna (4:1-24:27)
Hnamhai chunga Pathien rorêlna (25:1-32:32)
A mihai kuoma Pathien thu tiem (33:1-37:28)
Gog chungthua hrillawkna (38:1-39:29)
Tempul thar a mitthla dan (40:1-47)
Ram insem dan ding (48:1-35)