Inpâkna hla
149
1 Haleluia.LALPA chawimawiin hla thar sak ro,
Mi thienghlim inkhawmah inpâk ro.
2 A Siemtu chungah Israel hlim sien,
Zion nauhan an Lal lawm raw se.
3 Lâmin a hming inpâk hai sien la,
Khuong le tringtrang leh inpâk raw se.
4 A mihai chungah LALPA a lawm,
Inngaitlawmhai chu a sandam hlak.
5 Hi chawimawina chunga hin lawmin,
Mi thienghlimhan laikhum zawla chen,
Hlim takin zai hla sak raw hai se.
6 Inring taka Pathien inpâkin,
An kutah kawlhnâm ngei ton chawiin,
7 Hnam danghai chungah phuba la sien,
Mihai chu thununin hrem tawl sien,
8 An lalhai chu khaidieta khitin,
An hotuhai kol inbuntirin,
9 An chungthu rĕl tah chu hlen raw se-
A mi thienghlimhai ropuina di’n.
Haleluia.