Pathien inpak dinga fielna
148
1 Haleluia.Vàn a’nthok LALPA inpâk unla,
Chung tieng khin ama chu inpâk ro.
2 Angelhai, ama inpâk unla,
Vàn mihai, ama chu inpâk ro.
3 Ni le thla hai, ama inpâk ro,
Si-âr lênghai, ama inpâk ro.
4 Chung vàn sanghai, ama inpâk ro,
Chung vàn tuihai, ama inpâk ro.a
5 LALPA hming chu inpâk raw hai se,
Thu a pêk a, siemin an um a.
6 An hmun sengah kumkhuon a’n nghat a,
Ramri hlunhai a khangpêk vong si.
7 Leihnuoi a’nthok LALPA inpâk ro:
Tuifinrieta thilhring tinrênghai,
8 Kawlphe le riel, vûr le sûmpui hai,
Thlipui tri-um, a thu awituhai,
9 Muol le tlâng, thei kung le sidar hai,
10 Ramsa kol le ran sa tinrêng hai,
Thilhring chîn le chung leng vate hai,
11 Hnuoi lalhai le hnam chi tinrênghai,
Rêngtehai le hnuoi rorêltuhai,
12 Nunghak tlangval, naupang le tar hai,
13 Hming dang po po nêka mawi chungchuong,
Ei LALPA hming chu inpâk seng ro,
A ropuinan hnuoi le van a khûm.
14 A mihai ta di’n kíb a’n din a,
A mi thienghlimhai a chawimawi a,
A lungdit Israel mihai ngei chu.
Haleluia.