Pathien indik chu
115
1 Aw LALPA, keini ni loin,I hming chau hi ropui raw se,
Ngilneia i ringum leiin.
2 “An Pathien chu khaw lam a um?”
Ieng leia hnam danghan an ti?
3 Kan Pathien chu vănah a um,
A dit angin thil a thaw hlak.
4 Anni rawi milim biek ruok chu,
Tangka le rangkachak hmang a,
Mihriem kuta siem vong an nih.
5 Bau an nei ve, an trong thei nawh,
Mit khom an nei, an hmu thei nawh.
6 Nakawr an nei, an hriet thei nawh,
Hnâr an nei ve, rim an hriet nawh.
7 Kut an nei a, an tawk thei nawh,
Ke an nei a, an lawn thei nawh,
An hnukah ri a suok thei nawh.
8 Milim siemtuhai chu milim,
An thil siem leh an indang nawh;
Milim betuhai khom milim,
An lim biek leh angkhat an nih.
9 Aw Israel sung le kuohai,
LALPA-ah ringna innghat ro,
Thrangpuitu le phaw a ni si.
10 Aw nangni Aron sung le kuohai,
LALPA-ah ringna innghat ro,
Thrangpuitu le phaw a ni si.
11 Aw nangni ama trituhai,
LALPA-ah ringna innghat ro,
Thrangpuitu le phaw a ni si.
12 LALPA chun a mi hriet zing a,
Mal mi hung sawm ngèi ngéi a tih:
Israelhai malsawm a ta,
Aron thlahai malsawm a ta,
13 LALPA trituhai hrim hrim chu,
A chîn a lien malsawm a tih.
14 LALPA chun sukpung sien la cheu,
Nangni le in suon le parhai;
15 Hnuoi le van siemtu LALPA chun,
Malsawmnain vur cheu raw se.
16 Vănhai khi LALPA ta an na,
Hnuoi hi mihriem a pĕk a nih.
17 To songnaa liem mithihan,
LALPA an inpàk thei naw a;
18 Tuta inthok chatuon chenin,
Einin LALPA inpâk ei tiu.
Haleluia.