LALPA thratna inpâkna
113
1 Haleluia.Aw nangni LALPA siehlawhai,
LALPA hming chu inpâk seng ro.
2 Tuta inthok chatuon chenin,
LALPA hming chawimawiin um sien,
3 Sak kawl a’nthok thlang kawl chenin,
A hming inpâkin um raw se.
4 LALPA chu hnam po po nêka,
Chunghnung lem daia lêng a na,
A ropuinan vanhai a khêl.
5 LALPA ei Pathien ang hrima,
Hmun sang lalthrungphaah thrung a,
6 Vănhai le hnuoi zuk en ding a,
Kûna inphahnuoi tu’m an um?
7 Retheihai chu pilvut a’nthok,
A lak suok a, a tungding hlak;
Pasiehai khom vut buol a’nthok,
Kei thoin a dom kang bok a;
8 Milienhai lai a’n thrungtir a,
A mihai chunga lalhai lai.
9 Chinghai di’n sungkuo a’n dinpek,
Hlimin hrailêng a’n chawitir hlak.
Haleluia.