Thlipui laia LALPA rawl
Davida inpakna hla.
29
1 Nangni vana mi ropuihai,aRopuina le hràtna hai chu,
LALPA ta a nih ti puong ro.
2 LALPA hminga ropuina chu,
Ama kuomah inhlàn unla,
Thienghlimna thuoma inbelin,
LALPA Pathien chu chawibiek ro.
3 Tui chungah LALPA rawl an lĕng,
Pathien ropuina a’n rŭm a,
Tuipui chungah a’n ri dur dur.
4 LALPA rawlin thil a thaw thei,
LALPA rawl chu a mawi ropui!
5 A rawlin sidar a nghor tliek,
Lebanona sidar thinghai,
A nghor tliek rem rum el a nih.
6 Lebanon chu bawng tê angin,
Sirionb chu ramsiel tê angin,
A’n chawm khiengtir bap bap bok a.
7 LALPA rawlin kawl a’n leptir,
8 A rawlin thlalĕr a nghor hnîng,
Kades thlaler a’n thin buk buk.
9 A rawlin saisuo a her tliek,c
Ramngaw thing hna a nuoi tril vong;
A tempula chun “A ropui”
Tiin ama chu an inpăk.
10 Tuilĕt chunga LALPA a na,
LALPA chu kumkhaw Lal a nih.
11 LALPAN a mihai sukhrât sien,
LALPAN a mihai malsawmin,
Remna le muongna pe raw se.