Ringtu trongtraina
Davida inpakna hla.
Davida Miktam
16
1 Aw Pathien, ka hung bèl che,Nangin mi lo humhim rawh.
2 “Ka Lalpa chu nang i nih,
Nang chauh ka ta di’n i thra”
Tiin LALPA ka hril a.
3 Hnuoia mithienghlimhai chu,
An ropuiin ka lawm tawl.
4 Pathien dang zuituhai chu,
An lungngaina pung a tih.
An thisen inhlàn ang chu,
Inhlàn ve ngai nawng ka ta,
An pathien hming lam naw ning.
5 LALPA, ka rochan i na,
Ka no ding mi ruotpèkin,
Ka chanpuol ding i rèl fel.
6 Ram thrâ mi’n rochungtirin,
Ramrî i mi khangpèk a,
Ka chan a ditum takzet.
7 Rem iengkim mi ruotpêktû,
LALPA chu inpâk ka tih;
Zàna chen khom lungrilah,
A thu a mi zirtir hlak.
8 Ieng lai khomin ka hmaah,
LALPA ka sie zing hlak a,
Ka chang tieng a um leiin,
Inhnîng ngai hrim hrim naw ning.
9 Chuleiin ka lung lawmin,
Ka thlâ a hlim êm êm bok,
Ka taksa khom muong takin,
Chawl hadam thei tàng a tih.
10 Ka thlarau chu Seolah,
Maksan phal ngai nawng i ta,
I Mi Thienghlim chun hmon hmêl,
A hmu ding phal naw ti nih.
11 Hringna lam i mi kăwkhmu,
I bulah lawmna a kim,
I chang tieng chun inhoina,
Chatuonin a um si a.