4 Ada chun Esau chu naupa Elifaz a neipek a, Besamat chun naupa Reuel a neipek a, 5 Oholibama chun naupa Jeus, Jalam le Kora hai a neipek bok a. Chuonghai chu Esau naupahai, Kanan rama pieng an nih.

6 Esau chun a nuhmeihai, a naupahai le a naunuhai, a ina mihai po po le a ran ruolhai le ran dang a nei po po hai, Kanan rama rosum a khawm po po hai chu somin, a sang Jakob umnaa inthoka ram hla reiah a’n son a. 7 An thil neihai chu a tam ta êm leiin umhmun khat zing thei an ni ta naw a, an ranhai tlatna dingin ram an indai ta bok nawh. 8 Chuongchun, Esau (Edom an ti bok) chun Seir tlangramah hmun a khuor tah a nih.

9 Seir tlangrama khawsa Esau, Edom mihai thlatu chanchin chu hieng ang hi a nih. 10 Esau naupahai chu, a nuhmei Ada lakah Alifaz a nei a, Basemat lakah Reuel a nei bok a. 11 Elifaz naupahai chu Teman, Omar, Zefo, Gatam le Kenaz an nih. 12 Esau naupa Elifaz chun hmei a nei a, a hming chu Timna a na, ama chun naupa Amalek a neipek a. Chuonghai chu Esau le a nuhmei Ada tupahai chu an nih.

13 Reuel naupahai chu Nahat, Zera, Sama le Miza an nih. Anni chu Esau le Basemat tuhai an nih. 14 Esau nuhmei Oholibama, Ana naunu le Zibeon tunu chun Esau chu naupa pathum Jeus, Jalam le Kora a neipek a.

15 Esau thla, lala um hai chu a nau lutir Elifaz naupa Teman hai, Omar hai, Zefo hai, Kenaz hai, 16 Kora hai, Gatam hai le Amalek hai an nih. Hieng lalhai hi Edom rama mi Elifaz thlahai an na, Esau nuhmei Ada tuhai a nih.

17 Esau naupa Reuel naupahai lala umhai chu Nahat, Zera, Sama le Miza an nih. Hieng lalhai hi Edom rama mi Reuel thlahai an na, Esau nuhmei Basemat tuhai an nih.

18 Esau le a nuhmei Oholibama laka pieng, lala umhai chu Jeus, Jalam le Kora an nih. Hieng lalhai hi Esau nuhmei, Ana naunu Oholibama thlahai an nih.

19 Chuonghai po chu Esau (Edom an ti bok) naupahai le lala umhai chu an nih.

20 Chun, hienghai hi Hor mi Seir naupahai, a rama chênghai chu an nih: Lotan, Sobal, Zibeon, Ana, 21 Dison, Ezer le Disan. Edom mi Seir nau pasalhai hi Hor lalhai chu an nih.

22 Lotan naupahai chu Hori le Homam an nih. Lotan farnu chu Timna a nih. 23 Sobal naupahai chu Alvan, Manahat, Ebal, Sefo le Onam an nih. 24 Zibeon naupahai chu Aia le Ana an nih. Ana hi a nih thlalĕra a pa Zebeon sabengtunghai a vĕng laia tuikhur lum hmu suoktu kha. 25 Ana nauhai chu a naupa Dison le a naunu Oholibama an nih. 26 Dison naupahai chu Hemdan, Esban, Ithran le Keran an nih. 27 Ezer naupahai chu Bilhan, Zavan le Akan an nih. 28 Disan naupahai chu Uz le Aran an nih.

29 Hienghai hi Hor lalhai chu an nih: Lotan, Sobal, Zibeon, Ana, 30 Dison, Ezer le Disan. Chuong Hor lalhai chun Sier ramah an chi bing ang peiin lalna biel bik an nei seng a nih.

31 Israelhaiin lal an nei hmaa Edom rama lalhai chu hienghai hi an nih: 32 Beor naupa Bela chu Edom ramah lalin a um a, a khawpui hming chu Dinhaba a nih. 33 Bela a thi chun Bozraa mi Zera naupa Jobab chun lalna a hung hluo a. 34 Jobab a thi chun Temani rama mi Husam chun a hung thlak a. 35 Husam a thi chun Moab rama Midianhai hnĕtu Bedad naupa Hadad chun a hung thlak nawk a. A khawpui chu Avit a nih. 36 Hadad a thi chun Masreka mi Samla chun a hung thlak a. 37 Samla a thi chun tuipui^b kama khuo Rehobot-a inthoka hung Saul chun a hung thlak a. 38 Saul a thi chun Akbor naupa Baal-Hananin a hung thlak a. 39 Akbor naupa Baal-Hanan a thi chun Hadad-in a hung thlak a. A khawpui hming chu Pau a nih. Hadad nuhmei hming chu Mehetabel a na, ama chu Me- Zahab naunu Matred naunu a nih.

40 Hienghai hi an pahnam, an tlang hluo le an hming put dan ang peia Esau thlaa mi lala inthrunghai chu an nih: Timna, Alva, Jethet, 41 Oholibama, Ela, Pinon, 42 Kenaz, Teman, Mibzar, 43 Magdiel le Iram. Chuonghai chu an tlàng hluo dungzui peia Edom rama lalhai chu an nih. Edom mihai hnampa chu Esau a nih.