Nova thlahai
10
1 Hienghai hi Nova naupa Sema hai, Hama hai le Jafet hai, tuilèt hnunga an inthla sawng pei dan chanchin chu a nih. 2 Jafet nauhai chu Gomer hai, Magog hai, Madai hai, Javan hai, Tubal hai, Mesek hai le Tiras hai an nih. 3 Gomer nauhai chu Askenaz hai, Rifat hai le Togarma hai an nih. 4 Javan nauhai chu Elisa hai, Tarsis hai, Kitim hai le Rodanima hai an nih. 5 Hienghai hih tuipuia făk zong mi, chi bing binga trong bing seng neia hmun hrang hranga khawsa an nih.6 Hama thlahai chu Kusa hai, Mizraim hai, Putab hai le Kanan hai an nih. 7 Kusa thlahai chu Seba hai, Havila hai, Sabta hai, Raama hai le Sapteka hai an nih. Raama thlahai chu Seba le Dedan an nih.
8 Kusa naupa chu Nimrod a na, khawvela râl hrât khawkhĕng a hung ni a. 9 LALPA mit tlung, ramvâk hrât tak a ni leiin, “Nimrod anga ramvachalin LALPAN siem raw se che” an lo ti hlak a nih. 10 A’n lal tranna khawpuihai chu Sinar phaia um Babel khuo dam, Erek khuo dam, Akad khuo dam le Kalne khuo dam a nih. 11 Chu rama inthok chun a suok a, Asuria ramah a lut a, Ninevi khuo dam, Rehobot-Ir khuo dam, Kala khuo dam, 12 Ninevi le Kala khaw inkăra um Resen khuo dam a’n din a, Resen chu khaw ropui tak a nih.
13 Mizraim thlahai chu Lud hai, Anam hai, Lehad hai, Naftu hai, 14 Pathru hai, Kaslu hai (Filistinhai hung suokna) le Kaftor hai an nih.
15 Kanan chun nau lutirah Sidon a nei a, Heth khom a nei nawk a. 16 Chun, Jebu mi hai, Amor mi hai, Girgas mi hai 17 Hiv mi hai, Arki mi hai, Sin mi hai, 18 Arvad mi hai, Zemar mi hai le Hamat mi hai a thla bok a. Chu hnung chun Kanan hnamhai chu an indar zâu pei a. 19 Kananhai ramri huop sung chu Zidon khuoa inthoka Gerar pan zawngin Gaza khuo chenin; Sodom le Gomora le Adma le Zeboiim pan zawngin Lasa khuo chen a nih. 20 Chuonghai chu Hama thlahai, anni chi le trong ang peia hnama insiema ram delhai chu an nih.
Sema thlahai
21 Eberhai thlatu Jafet u Sema khomin naupa a nei tawl a. 22 Sema nauhai chu Elam hai, Asur hai, Arpaksad hai, Lud hai le Aram hai an nih. 23 Aram naupahai chu Uz hai, Hul hai, Gether hai le Mesek (Masa) hai an nih. 24 Arpaksad chun naupa Sela a nei a, Sela chun Eber a thla a. 25 Eberin naupa pahnih a nei a. Pakhat chu a dam lai hnuoi hi thrèa a um leiin a hmingah Peleg an sak a, a unaupa hming chu Joktan a nih. 26 Joktan chu Almodad hai, Selep hai, Hazarmavet hai, Jera hai, 27 Hadoram hai, Uzal hai, Dikla hai, 28 Obal hai, Abimael hai, Seba hai, 29 Ofir hai, Havila hai le Jobab hai thlatu a na, chuonghai po po chu a nauhai an nih. 30 An chĕngna chu sak tieng tlangram, Mesaa inthoka Sefar chen a nih. 31 Chuonghai chu Sema thlahai an nih; mani chi chiin, mani ram ramah a hnam hnamin an um a, mani trong seng an hmang.
32 Chuonghai chu an hnam sunga an chi inthla sawng dan ang peia Nova thla, hlawm hrang hranghai chu an nih. Tuilet hnunga hnuoia hnam dang dang hung indarhai khom anni thlahai an nih.