Adam thlahai
5
1 Hi hi zieka Adam thlahai suina chu a nih. Pathienin mihriem a siem khan Pathien angpui ngeiin a siem a. 2 Pasal le nuhmei a siem a, anni chu mal a sawm a. Siema an um ni chun an hmingah ‘Mihriem’ tiin a’n bŭk a.3 Adam chun kum za le sawmthum a niin ama ang, ama angpui ngei naupa a hung nei a, a hmingah Seth a sak a. 4 Seth a pieng hnung hin Adam chu kum zariet a la dam a, naunu le naupa dang khom a nei nawk a. 5 Adam chu kum zakuo le sawmthum a dam hnungin a thi a.
6 Seth chun kum za le panga a niin naupa Enos a nei a. 7 Enos pieng hnungin Seth chu kum zariet le pasarih a la dam a, naunu le naupa dang khom a nei nawk a. 8 Kum zakuo le sawmpahnih a dam hnungin Seth chu a thi a.
9 Enos chun kum sawmkuo a niin naupa Kenan a nei a. 10 Kenan pieng hnungin Enos chu kum zariet le sawmpanga a la dam a, naunu le naupa dang khom a la nei tawl a. 11 Kum zakuo le panga a dam hnungin Enos chu a thi a.
12 Kenan chun kum sawmsari a niin naupa Mehalalel a nei a. 13 Mehalalel pieng hnungin Kenan chu kum zariet le sawmli a la dam a, naunu le naupa dang khom a nei nawk a. 14 Kum zakuo le sawm a dam hnungin Kenan chu a thi a.
15 Mahalalel chun kum sawmruk le panga mi a niin naupa Jared a nei a. 16 Jared pieng hnungin Mahalalel chu kum zariet le sawmthum a la dam a, naunu le naupa dang khom a la nei nawk a. 17 Kum zariet le sawmkuo le panga a dam hnungin Mahalalel chu a thi a.
18 Jared chu kum za le sawmruk pahni a ni kumin naupa Enok a nei a. 19 Enok pieng hnungin kum zariet a la dam a, naunu le naupa dang khom a nei nawk a. 20 Kum zakuo le sawmruk pahnih a dam hnungin Jared chu a thi a.
21 Enok chun kum sawmruk le panga a niin naupa Methusela a nei a. 22 Methusela pieng hnungin Enok chu kum zathum LALPA leh an intlon a, naunu le naupa dang khom a nei nawk a. 23 A dam kum po po chu kum zathum le sawmruk panga a nih. 24 Enok chu Pathien leh an intlon hlak a; chun, a um ta naw a, Pathienin a lak hmang tah a nih.
25 Methusela chun kum za le sawmriet pasarih a niin naupa Lamek a nei a. 26 Lamek pieng hnungin kum zasari le sawmriet pahnih a la dam a, naunu le naupa dang khom a la nei nawk a. 27 Kum zakuo le sawmruk pakuo a dam hnungin Methusela chu a thi a.
28 Lamek chun kum za le sawmriet pahnih a niin naupa a nei a. 29 “Hi leihnuoi, LALPA trongsephura ei kut sinthawna le inrimna laka inthokin ama hin mi sawk zangkhai ta’ng a tih” a ta, a naupa hmingah Nova a sak a. 30 Nova pieng hnungin Lamek chu kum zanga le sawmkuo panga a la dam a, naunu le naupa dang khom a nei nawk a.