Hrilpuitu Krista
2
1 Ka nau dittakhai, suol in thaw nawna dingin hieng thu hi ka ziek a nih. Tu khomin suol a thaw ruok chun Pa kuoma hrilpuitu Mi fel, Isu Krista chu ei nei. 2 Ama chu ei suol ngaidamna dinga thilhlân a nih; eini suol chauh ni loin, khawvel pumpui suol ta ding khomin a nih. 3 A thupekhai ei zawm chun ama chuh ei hung hriet ve tah ti ei hriet. 4 A thupêkhai zawm si loa “Ama ka hriet” titu chu mi khêlhlip a na, thutak amaah a um nawh. 5 Tu khomin a thu a zawm chun Pathien hmangaina chu amaah sukfamkimin a um takzet a nih. Hi hi amaah ei um zing ti ei hriet thei dan chu a nih: 6 Amaah ka um zing titu chun Krista nun kong a hraw vê ngĕi ding a nih.Thupek thar
7 Dittakhai, thupêk thar in kuomah ka ziek naw a; thupêk hlui, atǐra inthoka in nei tah kha a nih ka ziek lem. Thupêk hlui chu in hriet tah sa vong a nih. 8 Sienkhom, in kuoma thupêk ka ziek hi kong khata chu a thar a nina a um; chu chu ama le nangniah a’n dikzie a’n lang a, thim chu a’n kieng mĕk a, var tak tak chu a hung êng tah a nih.
9 Tu khom vara um inti-a mani unau theida si chu thimah a la um zing a nih. 10 Mani unau hmangaitu chu varah a um zing a, ama ta dingin ieng khom insui thlûkna ding a um nawh. 11 Mani unau theidatu ruok chu thimah a um a, thimah a’n vâk a, thimin a mit a sukdel leiin a fêna chin khom a hriet nawh.
12 Nauhai, ama hming leia in suolhai ngaidam a ni tâk leiin ka ziek a nih.
13 Pahai, a tîra inthoka um zing chu in hriet tah leiin in kuomah ka ziek a nih. Tlangvalhai, mi suol chu in ngam tâk leiin in kuomah ka ziek a nih. Naupanghai, Pa chu in hriet tah leiin in kuomah ka ziek a nih.
14 Pahai, a tira inthoka um chu in hriet tah leiin ka ziek a nih. Tlangvalhai, in hrât a, Pathien thu nangniah a um leia mi suol chu in ngam tâk leiin, in kuomah ka ziek a nih.
Khawvel hmangai naw ro
15 Khawvel le a sûnga thil umhai hi hmangai naw ro. Tu khomin khawvel hi a hmangai chun Pa chu a hmangai naw a nih. 16 Khawvela thil um po po-tisa chăkna hai, mit châkna hai, mani thil nei le thil thaw uongpuina- hai hi Paa inthoka suok a ni naw a, khawvela inthoka suok a ni lem 17 Khawvel hi a chăkna pumin a bohmang mĕk a, Pathien ditzawng thawtu ruok chu kumkhuoin hring zing a tih.
Krista dodaltu
18 Nau dittakhai, hun nuhnung tak a ni tah a, Krista dodăltu an hung suok ding ti in hriet tah ang khan, tu hin Krista dodăltu tam tak an hung suok tah a; chu lei chun hun nuhnung a ni tah ti ei hriet. 19 Anni chu eini laia inthokin an suok a, ei mi le sa tak tak an ni naw hrim a, ni hai sien chu eini lai um zing an tih. An mi suoksan khan ei mi le sa an lo ni vong tak tak nawzie a suklang. 20 Nangni ruok chu Mi Thienghlim chun hriek a năl tah chêu leiin inrêngin thutak chu in hriet. 21 Thutak chu in hriet naw leia ziek ka ni naw a, in hriet lei le thutaka inthokin khêl a suok ngai naw leia ziek ka ni lem. 22 Isu chu Krista a nih ti pom nawtu nêka khêlhlip tu am a um a? Pa le Naupa pom nawtu chu Krista dodâltu a nih. 23 Tu khom Naupa pom nawtu chun Pa khom a pom naw a; Naupa pomtu ruok chun Pa khom a pom a nih. 24 Nangni ruok chun a tira inthoka in hriet kha nangniah vong zing ro; chuonga in um zing chun nangni khom Paah le Naupaah chun um zing in tih. 25 Hi hi a nih a thutiem, ama ngeiin ei kuoma a tiem kha: chatuon hringna chu.
26 Nangni thruoi hmang tumtuhai chungthu ka ziek a ni hih. 27 Nangni chu hriek nâl sa in ni tah a, chu chu nangniah a um zing a, tu dang inchuktir khom in ngai nawh. A hriek nălna chêu chun thil tinrêng a’n chuktir lem chêu a, chu chu a’n dik a, khêl a ni nawh. Chuongchun, a’n chuktir ang tak chêu khan amaah um zing ro.
Pathien nauhai