1 JOHAN
Hringna thu
1
1 Atira inthoka um, naa kan hriet, mita kan hmu, kan thlîr zing le kut ngeia kan tawk Hringna Thu chu a nih kan ziek hi. 2 Chu hringna chu a hung inlang a, kan hmu a, hrepuituah kan thrang a; chu chatuon hringna, Pa kuoma um, kan kuoma hung inlang chu a nih in kuoma kan inhriettir hi. 3 Nangnin in mi pawl ve theina dingin kan hmu le kan hriethai chu kan hril chêu a; ei inpawlna chu Pa le a Naupa Isu Kristaah a nih. 4 Kan lawm a kim theina dingin hieng thu hi kan ziek a nih.Pathien chu var a nih
5 Thucha, a kuoma inthoka kan hriet, kan hril sawng chêu chu hi hi a nih: Pathien chu var a na, amaah chun thim hrim a um nawh. 6 Ama leh kan inpawl ti sia thimah ei um si chun khêl ei hril a na, thutakah ei um nawh
7 Amiruokchu, vara ama a um anga eini khom varah ei um chun ei inpawl tlăng a nih; chun, a Naupa Isu thisenin ei suol po po a mi sawpfaipek hlak. 8 Suol nei loa ei inhril chun mani ei inhlèm a na, thutak einiah a um nawh. 9 Ei suolhai thupha ei chawi chun ei suolhai ngaidamin, ei fel nawna po po tlêng fai a tih, ama chu ring a umin a fel si a. 10 Suol thaw loa ei inhril chun ama chu khêlhlipah ei siem a na, a thu khom ei nunah a um nawh.