1 JOHAN
Thuhma
Johan lekhathon pakhatna hi Baibul pumpuia bu 62-na, bung 5 le chang 105 a sei, Isu zirtir laia pakhat Hmangai Johanin upa tak a ni hnunga a ziek ni dingin an ngai. A ziek hun hriet chieng ni naw sien khom Chanchin Thra a ziek hmaa a ziek ni dingin an ring.
Ringtuhai chu Pathien le a Naupa Isu Krista le inpawlna nei zui tlat ding le chu inpawlna sukse thei zirtirna indik naw laka fimkhur dinga infuina a ni tak. Chu inzirtirna indik naw a hril chu hieng ang hi a nih: ‘Hmu thei khawvel le inlaichinna nei hi suol hung umna bul a na, chuleiin Mihriem Naupa hi mihriemah a hung inchang tak tak nawh. Sandamna indik tak chu hi khawvel lungkhamna laka fihlim a nih. Nun thraa nun ti hai, mani mihriempui hmangai tihai hi thil trûl lo a nih’ tiin.
Hi inzirtirna indik lo kal hin, Isu Krista chu mihriem taksa puta a hung ngeizie a tar lang a. Pathien chu hmangaina a nizie dam, Isu ringa Pathien hmangaituhai chu an inhmangai tuo ngei ding a nizie dam, Krista ring chu chatuon hringna neina chauh ni loin khawvel hnea ngamna a nizie dam a hril uor hle.
A sûng thu tlangpui
Thuhma (1:1-4)
Var le thim (1:5-2:29)
Pathien le Setan nauhai (3:1-24)
Thlarau indik le indik lo (4:1-6)
Mihriem le Pathien hmangaina (4:7-21)
Ringna hi khawvel hnèna (5:1-21)